Дорнын их яруу найрагч Бэгзийн Явуухулангийн уран бүтээлийг алдаршуулж, өвлүүлэх, утга зохиолын хөгжлийг дэмжих, шилдэг яруу найрагчийг тодруулах, яруу найргийн шинэ өнгө төрхийг нээн илрүүлэх, аялгуут сайхан эх хэлээ хайрлан хамгаалахын ач холбогдлыг хүүхэд залууст таниулах зорилгоор “Мөнгөн хазаарын чимээ” яруу найргийн анхдугаар наадмыг зохион байгуулна.
Бүтээлийг 2026 оны тавдугаар сарын 3-ны өдрийг хүртэл Завхан аймгийн нутгийн зөвлөлийн цахим хаягаар хүлээн авна. Тавдугаар сарын 10-нд “Мөнгөн хазаарын чимээ” яруу найргийн наадмыг Улаанбаатар театрт албан ёсоор зохион байгуулна. Бичгийн шатанд шалгарсан 21 уран бүтээлч тайзнаа шүлгээ уншина.
Шагналын сан:
- Тэргүүн байр: Цом, өргөмжлөл, найман сая төгрөг,
- Дэд байр: Өргөмжлөл таван сая төгрөг,
- Гуравдугаар байр: Өргөмжлөл 3 сая төгрөг,
- Хоёр тусгай байрын эзэнд өргөмжлөл тус бүр 1 сая төгрөгийн шагналын сантай.
Наадмын зохион байгуулалт: Наадам нийт дөрвөн үе шаттай. Нэгдүгээр үе бичгийн шалгаруулалт байх бол дараагийн үе шатанд 10 яруу найрагчийн бүтээлийг шалгаруулна. Ингэхдээ 10 шүүгч томилоод тайзан дээр сугалаа сугалуулж таван шүүгчийг томилж хоёрдугаар шатыг шүүлгэнэ. Энэ жишгээр дөрвөн үе шаттай зохион байгуулна.
Нутгийн зөвлөлийн цахим хаяг нь бичигдээгүй байна.
Сайн байна уу? цахим хаягийг тавьж болох уу?
Тодорхой мэдээлэл яаж авах вэ?
Шаардлага байгаа юу, хэдэн мөр, ямар сэдэвээр бичих вэ явуулах цахим хаягыг хаанаас олох вэ?
Яаж бүртгүүлэх вэ