Жүжигчин Zendaya шинэ уран бүтээл болох “The Drama” киноны хэвлэлийн арга хэмжээний үеэр хосын харилцааныхаа талаар нээлттэй ярьжээ. Тэрбээр “түүнтэй хамт байхдаа би огт сандардаггүй, харин хол байх үедээ л сандардаг” хэмээн ярьсан байна.
Хосууд 2016 онд “Spider-Man: Homecoming” киноны зураг авалтын үеэр танилцаж, 2021 онд харилцаагаа албан ёсоор баталсан юм. Улмаар 2024 оны сүүлээр сүй тавьсан гэх мэдээлэл гарч, Zendaya 2025 оны “Golden Globes”-ийн үеэр алмаазан бөгж зүүж олны анхаарлыг татсан билээ.
Харин 2026 оны гуравдугаар сарын 1-нд стилист Law Roach тэднийг гэрлэсэн байж болзошгүй талаар ярьсан ч Zendaya болон Том Холланд өөрсдөө энэ мэдээллийг албан ёсоор батлаагүй бөгөөд төлөөлөгчид нь ч мэдэгдэл хийгээгүй байна.
