Өнгө өнгийн лаа нь өөр өөрийн гэсэн увидас шингээсэн байдаг. Тиймдээ ч олон өнгийн лаа нь зах зээлээс шахагдалгүй өдийг хүртэл худалдан авагчдад хүрсээр иржээ.
1. Улаан өнгийн лаа
Улаан өнгө өөрөөсөө их эрчим ялгаруулдаг бөгөөд долоон хүрдэнд төгс нөлөөлж, сөрөг энергийг устгадаг.
2. Улбар шар өнгийн лаа
Амьдралын ноён нурууг тэгшилж, хөлний тушаа арилгаж, өөртөө итгэх итгэлийг нэмж, үүдэн хүрдний энергийг тэтгэнэ.
3. Шар өнгийн лаа
Мөнгөн сүлжээ буюу мөнгө эд баялагийн хүрдийг энергиэр тэтгэж, мөнгөний урсгалыг сайжруулж, гарлагын үүдийг хааж, мөнгө эд баялагыг тогтооно.
4. Ногоон өнгийн лаа
Зүрхэн хүрдний энергийг тэтгэж, гэр бүлийн халуун дулаан амьсгалыг нэмэхээс гадна бүтэлгүй хайраас болсон сэтгэлийн шарх, хайранд азгүй байх зэргийг нөхөж, заяаны ханийг зөв сонгоход тусална. Ногоон өнгийн лааг баасан гарагт асааж хэрэглэвэл зохистой.
5. Цэнхэр өнгийн лаа
Ажлын бүтээмж сайжруулж, карьерт нөлөөлж, тушаал дэвших, нийгэмд эзлэх байр суурийг сайжруулахад тусална.
6. Хар хөх өнгийн лаа
Зөн билэг, зорилго тэмүүлэл, ой санамж, тархиний ажилгааг сайжруулж, сүнсэн биеийн энергийг тэтгэнэ. Мөн хар дарах, зүүд төөрөхөд асаадаг.
7. Хар өнгийн лаа
Хар хэл ам, хараал жатгыг дарж, лусын хорлол, өөрийн болон удам дамжсан үйлийн үрийг арилгаж сөрөг энергийг устгана. Хамгийн хүчтэй лаа.
8. Ягаан өнгийн лаа
Хүүхдийг хар цагаан хэл амнаас хамгаалж, ширэг домын үүрэг гүйцэтгэнэ.
9. Танан цагаан өнгийн лаа
Цав цагаан өнгийн лааг асаавал сарны хүчийг татдаг гэж үздэг. Сарны хүч, энергийг татсанаар ажил үйлс өөдрөг, эрч хүчтэй байж чаддаг аж. Цагаан лааг ажил төрөл карьерийг өсгөхөд ашигшщлаж болно. Тиймээс цагаан лааг гэрийнхээ хойд зүгт асаах нь илүү тохиромжтой. Цагаан лаа нь мэлхийн ордныхонд сайн нөлөө үзүүлдэг бөгөөд даваа гарагт асаах ёстой гэнэ.
10. Бэхэн ягаан өнгийн лаа
Ийм өнгөтэй лаа нь хүний мэдрэмжийг сайжруулдаг аж. Мөн охины ордныхонд ээлтэй бөгөөд эл лааг лхагва гарагт асааж хэрэглэвэл бие даасан байдлыг олоход тусална.
