Гоо сайхны хамгийн том илэрхийлэл бол эрүүл толигор арьс. Хэрэв арьс өнгөгүй, хуурай, батгатай, сорвитой байвал ямар ч будаг хэрэглээд сайхан харагдаж чадахгүй болов уу. Энэ бүх арьсны асуудлыг анагаах үндэс нь чийгшил. Бүсгүй таны хэзээ ч цааргалж, хойш сууж болохгүй дадал бол арьсаа чийгшүүлэх. Үнэтэй бүтээгдэхүүн, брэнд косметикийн будаг авахаасаа өмнө нүүрний арьсаа тогтмол чийгшүүлэх нь танд удаан хугацааны гоо сайхыг бэлэглэнэ. Хуурай арьс амархан үрчлээтдэг. Ингэсэг тогтдоггүй гээд олон сул талтай. Тэгэхээр гэрийн нөхцөлд арьсаа чийгшүүлэх шалгарсан 10 аргыг та бүхэндээ зааж өгье.
1. Өндөгний цагаан, багахан нимбэгний шүүс, зөгийн бал холиод нүүрэн дээрээ 20 минут маск тавиарай. Таны арьсыг чангаруулж, өнгөлөг болгоно.
2. Түүхий төмсийг үрэгчээр жижиглээд нүүр болон хүзүүн дээрээ тавиарай. 20-30 минут тавиахад хангалттай.
3. Гадил, зөгийн бал, цөцгий холино. Нүүр хүзүүндээ түрхэнэ. 20 минутын дараа арилгана.
4. Өргөст хэмхийг үрэгчээр үрээд шүүс болгон /2 хоолны халбага / түүн дээрээ 50 грамм тараг, бага зэрэг хүнсний хивэг хийгээрэй. Нүүр болон хүзүүндээ түрхээд хатсаны дараа бүлээн усаар угааж цэвэрлэнэ.
5. Авокадо жимсийг нухаад нэг цайны халбага зөгийн бал,хагас халбага нимбэгийн шүүс, тарагтай холиод хөргөгчинд хийж хүйтнээр нь түрхэнэ. 20-30 минут байлгаад угаана.
6. Оливын тос, наргил модны самрын тосоор нүүр хүзүүндээ иллэг хийх.7. Шүүсэн тараг, цөцгий, зөгийн бал, нухсан өргөст хэмх зэргийг хооронд холиод 20-25 минут байлгаад угаана.
8. Нүүрээ угаах усандаа 1 литрт 1-2хоолны халбага зөгийн бал эсвэл сүү хийж угааж байх нь усыг зөөлрүүлж хуурайшихаас сэргийлнэ.
9. Төрөл бүрийн амин дэмээр баялаг жимс ногоог нухаад сүүтэй хольж маск бэлдэж болно. Бэлдсэн маскаа нүүр хүзүүндээ түрхээд 15минут байлгаад чийгтэй алчуур, порлоноор арчиж авна.
10. Өргөст хэмхийг нимгэн хэрчиж маск маягаар тавьдаг уламжлалт арга нь яахын аргагүй үр дүн сайтай. Учир нь өргөст хэмх нь арьсанд чийгшил тэжээлийг өгөх эрдэс бодис, витаминуудыг агуулдаг.
