Та хэзээ нэгэн цагт маш гоё, онцгой санаа олсон ч дараа нь түүнийгээ мартаж байсан удаа бий юу. Магадгүй тухайн үедээ бичиж тэмдэглэх боломжгүй, эсвэл мартахгүй гэж бат итгэсэн ч байж болох. Гэхдээ л заримдаа бүр юуны тухай байсныг нь ч санахгүй үе гардаг шүү дээ. Тэгвэл заавал дэвтэр, апп, note ашиглахгүйгээр санаагаа тархиндаа бат суулгах энгийн аргуудаас хуваалцъя. Хадгалаад аваарай.
1. Санаагаа “өөр үйлдэлтэй” холбох
Тархи үгийг үйлдэлтэй хамт илүү сайн тогтоодог. Сайн санаа орж ирэх үед гараа атгах, хуруугаа товших, босож алхах гэх мэт жижиг, давтагддаг хөдөлгөөн хий. Дараа нь тэр хөдөлгөөнийг хийхэд санаа автоматаар орж ирэх магадлал нэмэгддэг.
2. Дотроо биш, амаараа давт
Санаагаа дотроо бодоод өнгөрвөл мартагдана. Харин “Энэ санаа бол …” гэж амаараа нэг удаа хэлбэл тархи үүнийг “чухал мэдээлэл” гэж ангилдаг.
3. Яг одоо хэрэглэхгүй байсан ч өөр зүйлтэй холбож бод
“Дараа бодъё” гэдэг бол мартахын нэр. Харин “үүнийг би хэзээ ашиглаж болох вэ”, “хэнд хэлбэл хэрэгтэй вэ” гэх мэт асуулт өөртөө тавихад тухайн санаа урт хугацаанд тогтдог.
4. Санаа бол загас биш зангилаа
Юу бодож байснаа санах гэж оролдох тусам алдана. Харин өөр бодол, мэдрэмж, хөдөлгөөнтэй уях тусам тогтоц сайжирдаг.
