Улсын төсвийн хөрөнгө оруулалтаар Завхан аймгийн Улиастай сумын 5 дугаар багт баригдаж буй 640 суудалтай сургуулийн барилга угсралтын ажилтай Боловсролын ерөнхий газрын ажлын хэсэг танилцлаа.
Тус барилгын гүйцэтгэл 80 хувьтай, одоогоор барилгын ажил зогссон байна. 2025 онд Улсын төсвийн батлагдсан санхүүжилт бүрэн олгогдсон.
Барилгын гүйцэтгэгчээр “Ханжаргалант стоунс” ХХК шалгарч, 2022 оны 03 дугаар сарын 03-ны өдөр гэрээ байгуулсан.
Тус төсөл арга хэмжээ 2022-2025 оны хооронд хэрэгжихээр Улсын төсөвт хөрөнгө батлагдсан. Мөн төсөлд нэмэлт хөрөнгө шаардлагатай байгаа тул зураг төсөвт магадлалын ажил хийгдэж байна.
