Сүүлийн үед иргэд цахим сүлжээнд Хөвсгөл аймгийн Рэнчинлхүмбэ сумын нутагт орших Жаргалант голын нэрийг “Жарганат”, “Жаргант” гэж нэрлэх явдал гарч буй. Тэгвэл Газар зохион байгуулалт, геодези, зураг зүйн ерөнхий газраас үүнийг буруу гэж тайлбарлалаа. Тодруулбал, Монгол Улсын Их Хурлын 2003 оны 42 дугаар тогтоолоор тус голын нэрийг “Жаргалант гол” гэж баталсан тул албан ёсны газар зүйн нэрээр нэрлэн хойч үедээ өвлүүлэн үлдээхийг санууллаа.
