Номын сан гэдэг ойлголт зөвхөн ном унших чимээгүй орон зайгаар хязгаарлагдахгүй болжээ. Өнөөдөр дэлхий даяар үнэгүй хэрнээ архитектур, интерьерийн хувьд музей, урлагийн галерейтай эн зэрэгцэх номын сангууд олноороо бий. Тэдгээрээс танилцуулъя.
1.Дублин хотын Тринити их сургуулийн номын сан нь 1592 онд байгуулагдсан, Ирландын хамгийн том бөгөөд нэр хүндтэй судалгааны номын сан юм. Тус номын санд дэлхийд хосгүй ховор гар бичмэлүүд хадгалагддагаараа онцлогтой.
2.Штутгарт хотын нийтийн номын сан нь Германы Штутгарт хотын орчин үеийн бэлгэ тэмдэг болсон, цагаан шоо хэлбэрийн барилгатай, гэрэл, орон зай, минимал загвараараа алдартай номын сан юм. Дотроо задгай уншлагын танхимуудтай бөгөөд иргэдэд нээлттэй, чимээгүй орчинд суралцах, унших, судлах боломж олгодог.
3.Васконселосын номын сан нь Мексикийн нийслэл хотод байрлах, орчин үеийн өвөрмөц хийцтэй, олон давхар нээлттэй орон зайтай томоохон нийтийн номын сан юм. Доторх номын тавиурууд нь агаар дунд хөвж буй мэт зохион байгуулалттай бөгөөд иргэдэд унших, суралцах, соёлын арга хэмжээнд оролцох тайван орчинг бүрдүүлдгээрээ онцлогтой.
4.Сиэтл хотын төв номын сан нь өвөрмөц геометр хэлбэртэй, орчин үеийн хийцтэй барилга бөгөөд олон нийтийн унших, суралцах, мэдээлэл авах чөлөөт орон зайг нэг дор бүрдүүлсэн номын сан юм.
5.Финландын Үндэсний номын сан нь тус улсын бичиг соёлын өвийг хадгалж хамгаалдаг гол сан бөгөөд эртний гар бичмэл, ховор ном, бүх хэвлэмэл бүтээлийг цуглуулж ирээдүйд уламжлуулан үлдээх зорилготой үндэсний чухал төв юм.
6.Александр хотын номын сан нь эртний номын сангийн уламжлалыг сэргээх зорилготойгоор байгуулагдсан, Египет улсын соёл, шинжлэх ухааны томоохон төв юм. Энэхүү номын сан мэдлэгийг хадгалах, түгээх, олон нийтэд нээлттэй суралцах орчныг бүрдүүлэхийг эрхэм зорилгоо болгодог.
