Дархан-Уул аймгийн хөлбөмбөгийн талбайд MONGOLZ багийн тоглолтыг шууд дамжуулан үзүүлэх тухай тус аймгийн засаг дарга Б.Азжаргал цахим хуудсаараа дамжуулан олон нийтэд хүргэжээ. Тэрбээр, “Дарханы E-SPORT сонирхогч хүүхэд залуучуудын анхааралд.
The Mongolz Austin Major-н хагас шигшээд paiN-г 2:0-р ялж шигшээд шалгарлаа. Энэ бол зөвхөн Монголын бус Ази тивийн хувьд хамгийн том амжилт билээ. Тэд Монгол болон Ази тивээс major тэмцээний шигшээд шалгарч буй анхны бөгөөд шигшээд шалгарсан хамгийн залуу баг болж түүх бүтээлээ.
“BLAST.tv Austin Major 2025” тэмцээнийг Дарханыхаа eSports сонирхогч залуучууддаа зориулан еsport сонирхогч залуучуудын хүсэлтээр өнөө шөнө буюу 6.23-ны 03.30 цагт хөлбөмбөгийн талбайд шууд дамжуулан үзүүлэх болно.
Esport сонирхогч хүүхэд залуучууд та бүхнийг MongolZ багийн залуучуудаа дэмжин хүрэлцэн ирж үзэж сонирхохыг урьж байна.
Жич; залуучууд маань архи, согтууруулах ундаа хэрэглэхгүй байх, талбай дээр тамхины иш, элдэв хог хаяхгүй байхыг уриалж байна” гэсэн байна.
