2026 оны Валентины өдөрт зориулсан Victoria’s Secret брэндийн “A Very VS Valentine’s” кампанит ажлын гол нүүр царайгаар Хэйли Бибер оролцож, брэндийн сонгодог эмэгтэйлэг, романтик өнгө аясыг орчин үеийн стильтэй хослуулсан байдлаар бүтээлээ.
Шинэ кампанит ажил нь 25 жилийн өмнө супермодель Жизель Бюндхен оролцсон Victoria’s Secret-ийн алдарт үнэртний сурталчилгаанаас сэдэвлэсэн нь олон нийтийн анхаарлыг татаж буй. Тухайлбал, шүүгээний дээр сууж, ягаан өнгийн педикюр хийж буй дүрслэл, дулаан пастель интерьер, эмэгтэйлэг зөөлөн хөдөлгөөн зэрэг нь тухайн үеийн VS-гийн визуал хэв маягийг санагдуулахуйц элементүүдээр баялаг байхаар төлөвлөгджээ.
Victoria’s Secret-ийн зүгээс уг кампанит ажлаар брэндийн төрөлх өв уламжлал, архивын үнэ цэнийг орчин үеийн эмэгтэйчүүдийн дүр төрхтэй уялдуулан дахин тодотгож байгааг онцолсон байна. Кампанит ажлын хүрээнд мөн strapppi боди сьют, baby pink өнгийн унтлагын хувцас, Валентины өдрийн уур амьсгалыг тодорхой илэрхийлсэн ягаан өнгө давамгайлсан цуглуулгыг танилцуулжээ.
