Мэргэжлийн болон техникийн боловсролын сургалтын байгууллага хоорондын хамтын ажиллагаа, түншлэлийн хүрээнд Үйлдвэрлэл урлалын политехник коллеж, Дархан политехник коллежийн БАГШ, СУРАЛЦАГЧ солилцооны хөтөлбөр хэрэгжиж байна.
Тус үйл ажиллагаа нь сургалтын хөтөлбөрийн чанарыг сайжруулах, багшийн заах арга зүй, суралцагчийн ур чадварыг нэмэгдүүлэх, туршлага солилцох, сайн туршлагыг түгээн дэлгэрүүлэх зорилготой юм.
Оёмол бүтээгдэхүүн үйлдвэрлэлийн болон Үс заслын үйлчилгээ мэргэжлийн чиглэлээр Дархан-Уул аймаг дахь Дархан политехник коллеж, Үйлдвэрлэл, урлалын политехник коллежийн “БАГШ, СУРАЛЦАГЧ”-ийн төлөөлөл солилцооны хөтөлбөрийг 2025 оны 11 дүгээр сарын 17-ны өдрөөс 11 дүгээр сарын 19-ний өдрүүдэд зохион байгууллаа.
Тус ажлын онцлог нь БАГШ, СУРАЛЦАГЧ хамтарсан хичээл зохион байгуулах, туршлага судлах уулзалт зохион байгуулах, үйлдвэрлэлийн дадлагын орчинтой танилцах, хөтөлбөрийн харьцуулалт хийх, хөтөлбөрт тусгай хэрэгцээний тохируулга хийх, суралцагчийн бүтээлч сэтгэлгээ, ур чадварыг хөгжүүлэх, хамтарсан бүтээл хийсэн нь давуу талтай байлаа.