Египетийн Гизагийн Хуфугийн пирамидаас өөр эртний дэлхийн долоон гайхамшгийн ганц нь өнөөг хүртэл хадгалагдан үлдсэн байдаг. Гэхдээ пирамид сонирхогчид заавал Египетийг зорих шаардлагагүй. Судан улс Египетээс ч олон пирамидтай гэдгийг мэдэх үү…
Жил бүр дунджаар есөн сая гаруй хүн Египетийн пирамидыг үзэхээр очдог. Судан улс 200-250 орчим пирамидтай бол Египетэд ердөө ойролцоогоор 138 байдаг. Энэ нь Суданг дэлхийд хамгийн олон пирамидтай улс гэдгийг харуулж байна.
Суданы зүүн цөлд орших Мерогийн пирамидууд нь Нубийн пирамидын нэг хэсэг бөгөөд Египетийн гайхамшгаас нэлээд хожим баригдсан байдаг.
Эртний Нил мөрний хөндийд, өнөөгийн Суданы нутаг дэвсгэрт, Кушийн гурван хаант улс оршин тогтнож байжээ. Тэд МЭӨ 2600 оноос МЭ 350 он хүртэл Нил мөрний дагуу ноёрхсон түүхтэй.
* Эхний Кушийн хаант улсын нийслэл нь Керма хотод байрлаж, МЭӨ 2600–1520 онд оршин тогтнож байв.
* Хоёр дахь хаант улс нь Напата төвтэй байсан ба МЭӨ 1000–300 онд хүчээ авчээ.
* Сүүлчийн Кушийн хаант улс нь Мероэ орчимд төвлөрч, МЭӨ 300–МЭ 300 оны хооронд оршин тогтножээ.
Кушчууд пирамид барьж эхэлсэн нь Египетчүүдээс ойролцоогоор 500 жилийн дараа боловч аль аль нь оршуулгын зан үйлдээ пирамидыг ашиглаж байсан юм.
Хоёр орны пирамидын хамгийн том ялгаа нь хэмжээндээ оршдог. Кушийн пирамидын дундаж өндөр 6–30 метр байхад, Египетийн пирамидын дундаж өндөр 137 метрээс дээш байдаг. Харин дэлхийн хамгийн том пирамид нь Египетэд бус уулын дотор нуусан бүтэцтэй Мексикийн Чолулагийн агуу пирамидаас олддог байна.
ISSUU.com