CNN агентлагийн хийсэн шинэ сансрын зураг, газрын зураг, төрийн баримт бичгийн шинжилгээний дүнгээр, 2020 оноос хойш Хятад улс пуужингийн үйлдвэрлэлтэй холбоотой байгууламжуудаа урьд өмнө байгаагүйгээр өргөжүүлж, АНУ-ын цэргийн нөлөөг сөрөх, бүс нутаг дахь ноёрхлоо баталгаажуулах чадвараа нэмэгдүүлж байгаа нь тодорхой болжээ.
Энэ түүхэн хэмжээний өргөтгөл нь АНУ-ын зэвсгийн нийлүүлэлтийн хүндрэлтэй байдлаас эрс ялгаатай байна. Судалгаанд дурдсанаар, пуужингийн үйлдвэрлэл болон Хятадын пуужингийн цэргийн хүч (PLARF)-тэй холбоотой 136 байгууламжийн 60 гаруй хувь нь хиймэл дагуулын зураг дээр өргөтгөл хийгдсэн шинжтэй байна.
Эдгээр байгууламжууд үйлдвэр, судалгааны болон туршилтын төвүүдийг багтаасан бөгөөд 2020 оны эхнээс 2025 оны эцэс хүртэл нийт 2 сая гаруй м² барилгын талбайгаар нэмэгджээ. Хиймэл дагуулын зургаар шинэ цамхаг, бункер, зэвсгийн хөгжүүлэлттэй холбоотой байгууламжууд илт харагдаж байгаа бөгөөд зарим зурган дээр пуужингийн эд ангиуд хүртэл илэрч байна. “Хятад улс дэлхийн супер гүрэн болох байр сууриа бататгах стратегиа хэрэгжүүлж байна. Бид шинэ зэвсгийн уралдааны эхний шатанд явж байна,” гэж НАТО-д
2012 онд эрх мэдэлд гарснаас хойш Ши Жиньпин Хятадын Ардын Чөлөөлөх Арми (PLA)-ийг “дэлхийн түвшний зэвсэгт хүчин” болгох зорилгоор цэргийн тоног төхөөрөмж худалдан авах, шинэчлэх ажилд хэдэн тэрбум долларын хөрөнгө оруулалт хийжээ. Мөн тэрээр Хятадын цөмийн болон баллистик пуужингийн зэвсгийг хариуцдаг Пуужингийн цэргийн хүчийг (PLARF) өргөжүүлсэн бөгөөд үүнийг “стратегийн саатуулах гол хүч, үндэсний аюулгүй байдлын тулгуур багана” хэмээн тодорхойлсон байна.
Одоогийн байдлаар Хятадын пуужингийн үйлдвэрлэлийн байгууламжууд тус улсын бүх цэргийн салбарыг хангадаг бөгөөд 2 сая гаруй идэвхтэй цэрэгтэй дэлхийн хамгийн том зэвсэгт хүчин юм.
Өнгөрсөн долоо хоногт АНУ-ын Ерөнхийлөгч Дональд Трамп Зүүн Азийн орнуудаар айлчилж, Хятадын удирдагч Ши Жиньпинтэй уулзахдаа худалдааны асуудлыг голчлон хэлэлцсэн ч Бээжингийн улам бүр нэмэгдэж буй цөмийн болон уламжлалт зэвсгийн хүч АНУ-ын анхаарлыг татжээ.
Хэлэлцээний өмнө Трамп АНУ-ын Батлан хамгаалах яаманд (Пентагон) “Хятад болон Оростой тэнцүү нөхцөлөөр” цөмийн туршилтаа дахин эхлүүлэх үүрэг өгсөн нь олон арван жилийн туршид баримталсан АНУ-ын бодлогод томоохон өөрчлөлт авчирч байна. Хятад, Орос хоёр сүүлийн 25 жилд цөмийн дэлбэрэлттэй туршилт хийгээгүй ч АНУ аль аль улсын шинэ үеийн цөмийн зэвсгийн хөгжүүлэлтийг анхааралтай ажиглаж ирсэн байна.
Стокгольмын Олон Улсын Энх Тайвны Судалгааны Хүрээлэн (SIPRI)-ийн мэдээлснээр, 2023 оноос хойш Хятад улс жил бүр 100 орчим шинэ цөмийн цэнэгт хошуу нэмж байгаа бөгөөд энэ өсөлт нь дэлхийн хамгийн хурдан юм. Гэсэн хэдий ч Хятадын нийт нөөц нь АНУ ба Оросын хамт дэлхийн цөмийн зэвсгийн 90%-ийг эзэмшдэг түвшинд хүрээгүй байна.
CNN news