Ариун цэврийн кап нь сарын тэмдгийн үед хэрэглэх нэг төрлийн хэрэглэл бөгөөд үүнийг өсвөр насны охид хэрэглэх тохиромжгүй юм.
Ариун цэврийн кап гэдэг нь шингэнийг хуримтлуулах зориулалттай зөөлөн резин эсвэл силиконоор хийгддэг хонх хэлбэртэй аягыг хэлнэ. Үүнийг үтрээндээ хийж байршуулах ба хэрвээ зөв зааврын дагуу оруулсан бол энэ нь үтрээний хананд бэхлэгдэн шингэнийг хуримтлуулах юм. Ариун цэврийн капыг 12 цаг тутамд солих хэрэгтэй. Ариун цэврийн капыг угааж дахин ашиглах боломжтой. Үүнийг үтрээнээс гаргахдаа капны суурь хэсэгт байрлах ишнээс эрхий болон долоовор хуруугаар чанга барин татаж гарган ирнэ. Доторх шингэнийг хаясны дараа аягаа усаар зайлаад дахин ашиглах боломжтой. Сарын тэмдэг дууссаны дараа уг аягаа усанд буцалган ариутган хатааж хадгалснаар дараагийн сарын тэмдэг ирэх үед дахин ашиглах боломжтой.
