Боловсролын багц хуулийн шинэчлэлийн хүрээнд сургалтын хөтөлбөрийн шинэчлэл, сургалтын хөтөлбөрийн агуулгыг багц цагаар тооцох, дүйцүүлэх боломжтой болсон. Монгол-Солонгосын политехник коллежийн техникийн боловсрол олгох сургалтын 12 төгсөгч Шинжлэх Ухаан Технологийн Их Сургуульд элсэлтийн ерөнхий шалгалтгүй шатлан суралцаж байгаа бөгөөд амжилттай суралцаж буй оюутнуудад тэтгэлэг олгох ёслолын ажиллагаа боллоо.
Монгол-Солонгосын Политехник коллежийн оёмол бүтээгдэхүүн үйлдвэрлэл, хөнгөн үйлдвэрлэлийн технологи, хувцасны дизайн мэргэжлийн хөтөлбөрийн төгсөгчид ШУТИС-ийн “Текстилийн инженерчлэл” бакалаврын түвшинд шатлан суралцаж байгаагаас 4 оюутанд ГОЁЛ КАШМЕР ХХК-ний хамт олон сургалтын төлбөрийн 50% хөнгөлөлт тэтгэлэг олголоо.
Элсэлт-Сургалт-Төгсөлтийн бүхий л үе шатанд “Политехник коллеж-Ажил олгогч-Их сургууль” хамтран ажилласны үр дүнд техникийн боловсрол олгох хөтөлбөрийн төгсөгчид мэргэжлийн дагуу элсэлтийн ерөнхий шалгалтгүй их сургуульд шатлан суралцаж, амжилттай суралцаж байгаа суралцагч сургалтын тэтгэлэгт хамрагдан төгсөөд ажиллах ажлын байрны захиалгаа хүлээн авлаа.
Түншлэлийн олон талт үйл ажиллагааг өргөжүүлэн мэргэжлийн болон техникийн боловсролын сургалтын байгууллагыг дэмжин хамтран ажиллаж буй их сургууль, аж ахуйн нэгж байгууллагад амжилт хүсье.
БИДНИЙ ХАМТЫН АЖИЛЛАГАА ӨРГӨЖИН ХӨГЖИХ БОЛТУГАЙ
