Монголын анхны хүүхдийн эрхийн төлөөх эко фестиваль “LOUD FESTIVAL” нэртэйгээр зургадугаар сарын 1,2-нд зохион байгуулагдах гэж байна.
Тус фестиваль нь Горхи-Тэрэлжийн цогцолборт газарт байрлах Горхи гэр бүлийн ресортын Аз жаргалын паркд 2024 оны зургадугаар сарын 1,2-нд буюу амралтын өдрүүдэд 10-18:00 цагийн хооронд зохион байгуулагдана.
Арга хэмжээнд хүн байгаль хоорондын нандин харилцааг эрхэмлэх, хүүхэд бүрийн гоо зүй, урлаг, шинжлэх ухаан, танин мэдэхүй хийгээд уран бүтээлч сэтгэлгээг хөгжүүлэх, өөртөө итгэх итгэлийг нэмэгдүүлэхэд чиглэсэн олон төрлийн үйл ажиллагааг Монголын анхны “Чимээтэй” номын сан, Горхи гэр бүлийн ресорттой хамтран зохион байгуулах юм.
Энэхүү аяны гол зорилго нь нийгэмд хүүхдийн эрхийн төлөө, тэр дундаа Дээрэлхэлтийн эсрэг хүүхэд бүр чимээгүй өнгөрдөггүй байж, хүүхэд эрхийнхээ төлөө нийгэмд Чимээтэй байх уриан дор зохион байгуулагдах юм.
Хүүхдийн эрхийн төлөөх фестифалийн гол зорилгын хүрээнд сургууль, эмнэлэг, цагдаа гэх мэт холбогдох байгууллагууд хүрэлцэн ирж хөгжилтэй, сонирхолтой арга замаар хүүхдүүдэд мэдээ мэдээлэл хүргэнэ.
Фестифалийн үндсэн үйл ажиллагаанд 10 гаруй хүүхдийн төлөөх мэргэжлийн байгууллагууд сайн үйлсийн хүрээнд нэгдэж бүтэн өдрийн турш 15 төрлийн байгаль эх, бүтээлч сэтгэлгээ, танин мэдэхүйн чиглэлээр хүүхдүүдэд үнэ төлбөргүй хийгээд нэмэлт төлбөртэй олон талт хөтөлбөрүүдээ хүргэхээр болжээ.
