Манай humanz.mn сайт нь унших дадлыг дэмжих, олон нийтийн мэдлэгт нэмэр болох, уншиж бичих чадварыг хөгжүүлэх зорилгоор алдартай зохиолчдын бичсэн номын онцлох агуулгуудыг хүргэдэг билээ. Энэ удаа бид зохиолч Я.Арслангийн “Эрүүл урт наслах алтан судар” номыг сонголоо. Энэхүү бүтээл нь 2023 онд уншигчдын гарт хүрсэн бөгөөд сонирхолтой олон мэдээллийг багтаажээ. Тус номонд багтсан мэдээллээс уншигч танд хүргэе. Та бүхэн “Эрүүл урт наслах алтан судар” номыг Интерном дэлгүүрээс худалдан авах боломжтой.
Давстай усаар шүдээ зайлж байвал шүд өвдөхгүй.
Сайн тал:
Хүний биед давс дутвал хоол боловсруулах олон зүйлийн исгэг ба ходоодны хүчил багасч гэдэсний гүрвэлзэх хөдөлгөөн удааширдаг.
Хоолны давс шорвог амттай, сэрүүн чанартай тул халуун бууруулах идээний нэгд ордог. Давс идэхэд цусны гүйдэл түргэсч халууныг хөөж хордлогыг гадагшлуулдаг.
Өтгөн хатдаг хүн өглөө бүр нэг аяга давстай буцалсан ус уувал бие засахад хялбар болно.
Зуны халуунд хөлс их гарахад давстай ус уувал наршихаас сэргийлж чадна.
Хоолой өвдөх буюу амны хөндий үрэвсэх үед давстай усаар өдөр бүр хэд хэдэн удаа амаа зайлбаас нянг устгана.
Толгой өвдөх үед давсаар хэлээ үрж, бага зэрэг давстай ус уувал өвчин намдах тал бий.
Өглөө бүр боссоныхоо дараа давстай буцалсан ус уувал цээжээр хорсохоос сэргийлж чадна.
Давстай усаар биеэ угаавал арьсны эрүүл ахуй сайжирна.
Давстай усаар шүдээ зайлж байвал шүд өвдөхгүй.
Давс огт хэрэглэхгүй бол элдэв өвчин үүснэ. Ялангуяа бүдүүн гэдэс үрэвсдэг.
Өдөр бүр давстай усаар амаа зайлбал амны хөндийн өвчин, ангинаас сэргийлж чадна.
Шүд унаж амнаас цус гарах үед жаахан давс зуувал цус тогтох үйлдэлтэй.
Муу тал:
Настай хүн давс их хэрэглэвэл цусны даралт ихэснэ.
Судасны хана хатуурна
Зүрхний булчин зангирна
Хэт их натри нь ходоодны ханын дааврын шүүрэлтийг нэмэгдүүлнэ.
Бөөрний ажиллагааг усан хавангийн шинж тэмдэгтэй болгодог.
Тэгвэл хүн жирийн нөхцөлд өдөрт нэгээс найман грамм давс хэрэглэвэл зохистой гэж судлаачид тогтоосон байна.
Эх сурвалж: “Эрүүл урт наслах алтан судар” ном
