Эмэгтэй хүн бүрийн хувьд үс гэдэг бидний гоо сайхныг маань тодотгож байдаг чухал зүйл. Намирсан өнгөлөг, эрүүл үстэй бол гоо үзэсгэлэн тань тодорч илүү үзэсгэлэнтэй харагдана. Хүний үс гэдэг, бидний арьстай адил арчилгаа, анхаарал шаарддаг. Хуурайшиж гандана, тослогтоно, салаалж хугарана, унана гээд л асуудлууд ар араасаа хөвөрдөг. Тэр болгонд бид арьсандаа зориулдаг шиг үнэтэй бүтээгдэхүүн үсэндээ байнгын зориулаад байж чаддагүй. Гэхдээ үсээ мянган төгрөгний бүтээгдэхүүнээр ч гялалзсан сайхан болгож болох аргыг та мэдэх үү? Бидний өдөр тутамдаа байнга хэргэлдэг хирнээ бидний анзаараад байдаггүй үс эрүүлжүүлэх бүтээгдэхүүнүүдийг мэдэж авцгаая.
Хужир, Сода
Хужрыг цай хоол, хүнсэндээ тохируулан хэрэглэвэл эрүүл мэндэд тустай гэдгийг ихэнх хүмүүс мэддэг. Харин гоо сайхан, үсэндээ ашиглахын ач тусыг тэр бүр мэддэгүй. Эмийн сан, болон хүнсний дэлгүүрт байдаг цайны хужрыг та 800-1000 төгрөгөөр худалдан авах боломжтой. Шампуниа хужиртай холин үсээ угааснаар хуйх цэвэрлэгдэж, үс намирсан зөөлөн болохоос гадна, уналт мэдэгдэхүйц багасана. Сода ч мөн ялгаагүй адилхан аргаар хэрэглэж болно.
Алое гель
Эмэгтэй хүн бүрийн гэрт нэг байнга хэрэглэхгүй хэрнээ гоо сайхны тавиур дээр нь байж л байдаг алое гель байдаг. Харин та салаалсан үснийхээ үзүүрт түрхэж хэрэглэж болдог гэдгийг мэддэг үү? Ингэснээр таны үсний үзүүр чийглэг болж, илүү хурдан ургах болно.
Ягаан сонгино
Ягаан сонгинод эд эсийг нөхөн төлжүүлэх, шим тэжээлээр хангах коллаген ихээр агуулагддаг бөгөөд үсийг ургуулж, намирсан, зөөлхөн болгох шидтэй юм. Та 2-4 ширхэг сонгиныг шахаж, шүүсийг нь аваарай. Эсвэл сонгиноо хэрчиж, багахан усанд хийж, шүүсийг нь ашигласан ч болно. Ямартай ч үүнийгээ үсэндээ түрхэж, 1 цаг байлгах хэрэгтэй. Дараа нь үсээ сайтар угааж, сонгины үнэрийг арилгаарай. Та энэхүү аргыг сардаа 2 удаа хэрэглэхэд болох бөгөөд өдрөөс өдөрт үс тань ургаж, намирсан, харц булаам болж байгааг та анзаарах болно.
Ганга, Халгай
Хэрвээ таны үс унаж, удаан ургаад өнгө алдаад байгаа бол ганга, халгай хандлан үсэндээ шавшиж, зориулалтын малгай, байхгүй бол хүнсний уут, алчуураар үсээ ороон 10-15 минут орчим байлгасны дараагаар үсээ угаагаарай . Үс тань таны нүдэн дээр мэдэгдэхүйц өөрчлөгдөн өнгө орж эрүүлжих болно. Эмийн санд зарагдаж байдаг, халгай гангыг ашиглаж болно.
Гэрийн нөхцөлд ажиллагаа багатай, хямд аргаар гоёмсог үстэй болоорой. Харин гоо сайхныхаа төлөө та битгий залхуураарай. Эдгээр аргыг байнга турших шаардлагаггүй бөгөөд долоо хоногт нэгээс, хоёр удаа байхад хангалттай.
