Та нохойгоо таргалаад байгаа, хэвийн жинтэй байгаа эсэхийг мэддэг үү? Нохой таргалах нь өхөөрдөм гэж бодох хэрэггүй таргалалт бол өвчин юм. Хэрэв таны нохой таргалвал үе мөчний өвчинтэй болох ба чихрийн шижин, зүрхний шигдээс, судасны хатуурлын өвчин цаашлаад хорт хавдар тусах эрсдэлтэй юм. Мөн нохой таргалснаар биеийн дулаанаа гадагшлуулж чадахгүй болж ядаргаанд ордог байна. Тиймээс нохойн эздүүд эрүүл мэндэд нь анхаарч хэвийн жинг нь барихад анхаарах хэрэгтэй.
Нохойгоо таргалсныг хэрхэн мэдэх вэ?
Үстэй нохой бол хавирганы ясыг нь тэмтэрч мэднэ.
Үсгүй нохой бол нурууг харах болон хавирганы ясыг нь тэмтэрч мэднэ. Доор зурган дээр тайлбартай оруулсан байгаа.
Нохойн жинг хэрхэн бариулах вэ?
~Биеийн жинд нь таарсан хэмжээтэй хоолыг нь цаг цагаар идүүлэх
~Хоолноос гаднах амттан урамшуулал, хүний хоол зэргийг багасгах, өгөхгүй байх
~Алхалт. Өдөр бүр өглөө оройдоо 1 цаг хөтөлгөөтэй тогтсон алхалт хийж байх! Хамгийн чухал арга.
~Спэй болон заслага хийлгэсэн бол илүү хурдан таргалах гээд байдаг тул хоолных нь 10%ыг хасаж өгөх
~Хөгшин нохой бол мөн адил хоолыг нь 10 хувь багасгаж өгөх
~Diet food гээд зориулалтын калори багатай таргалалтаас сэргийлсэн нохойн хоолнууд байдаг. Тийм хоол идүүлэх хэрэгтэй.
