Монголнэт платформ, цахим системийг Өмнөговь аймгийн Даланзадгад сумын 1,2,3,4,6 дугаар сургуулиуд дээр хэрэгжүүлнэ.
Энэхүү үйл ажиллагаа нь ерөнхий боловсролын сургуулийн суралцагч, эцэг эх, асран хамгаалагч, багш нарыг цахим орчны аюулгүй харилцааны мэдээллээр хангах, хүүхдийн эрх, аюулгүй байдал, эрүүл хөгжлийг дэмжих, гадны сошиал сүлжээний сөрөг нөлөөнөөс хамгаалах, мэдээлэл солилцох нэгдсэн албан ёсны платформыг бий болгоход чиглэнэ.
Тус сургуулиудын багш, эцэг эх, асран хамгаалагч, суралцагчдад системийн талаарх танилцуулга мэдээлэл өгөх уулзалтыг зохион байгууллаа.
Монголнэт платформ, цахим системийн давуу тал ба ашиг тус:
Суралцагчдын хувьд:
Цахим орчинд аюулгүй, зөв харилцах мэдлэг, чадвар эзэмшинэ.
Сөрөг мэдээлэл, гадны сошиал сүлжээний эрсдэлийг таньж, түүнээс сэргийлэх дадалд суралцана.
Сургуулийн албан ёсны цахим харилцааны сувгийг ашиглах дадал хэвшүүлнэ.
Эцэг эх, асран хамгаалагчдын хувьд:
Хүүхдийн цахим хэрэглээ, сургалтын явцын талаарх мэдээллийг шуурхай авах боломжтой болно.
Хүүхдээ цахим орчинд зөв зохистой ашиглахад чиглүүлэх мэдлэг, мэдээлэлтэй болно.
Сургуультай харилцах тогтвортой, найдвартай сувгийг ашиглаж эхэлнэ.
Багш, сургуулийн удирдлагын хувьд:
Эцэг эх, сурагчидтай мэдээлэл солилцох албан ёсны цахим суваг бүрдэнэ.
Сургалтын үйл ажиллагаанд мэдээллийн аюулгүй байдлыг хангах боломж нэмэгдэнэ.
Нийгмийн түвшинд:
Гадны сошиал сүлжээний хэрэглээ буурч, үндэсний платформын хэрэглээ нэмэгдэнэ.
Цахим орчин дахь хүүхэд хамгааллын тогтолцоо бэхжиж, эцэг эх, асран хамгаалагч, суралцагч, сургуулийн гурвалсан хамтын ажиллагаа сайжирна.
