Манай humanz.mn сайт нь унших дадлыг дэмжих, олон нийтийн мэдлэгт нэмэр болох, уншиж бичих чадварыг хөгжүүлэх зорилгоор алдартай зохиолчдын бичсэн номын онцлох агуулгуудыг хүргэдэг билээ. Энэ удаа бид зохиолч Я.Арслангийн “Эрүүл урт наслах алтан судар” номыг сонголоо. Энэхүү бүтээл нь 2023 онд уншигчдын гарт хүрсэн бөгөөд сонирхолтой олон мэдээллийг багтаажээ. Тус номонд багтсан мэдээллээс уншигч танд хүргэе. Та бүхэн “Эрүүл урт наслах алтан судар” номыг Интерном дэлгүүрээс худалдан авах боломжтой.
Өндөгний цагаан бол нян устгах чанартай, хүчтэй дархлаа дэмжигч юм.
Өндөгний цагаан бол нян устгах чанартай, хүчтэй дархлаа дэмжигч юм. Үнэргүй, өнгөгүй, зууралдамхай, наах чанар бүхий бодис юм. Хоршиход нягт хөөсөрхөг хэлбэрт шилжинэ. Халаахад цагаан өнгөтэй болно. Тархины үйл ажиллагааг сайжруулдаг. Цус төлжихөд оролцоно. Нэг өндөгний тэжээлэг чанар 50 г мах, эсвэл 200 мл сүүг орлоно. Цагаан уураг амьтны гаралтай хүнсний бүтээгдэхүүнүүд дотор их сайн шингэцтэйд (98%) тооцогдоно.
Ашигтай чанар
Өндөгний цагаанд тослог байхгүй. Өндөгний цагаан бол турах хоолны дэглэмд жинхэнэ тохирох хүнс юм. Тахианы өндөгний цагаан бол хүний биеийн уургийн эх үүсвэр мөн. Уураг хүний биед хамгаалах, түргэсгэх, зөөх, тохируулах үйлдэл гүйцэтгэдэг. Дархлааны эсийн бүтцэд орж, хаалтын чанарыг дээшлүүлж, цаашид нян, вирус нэвтрэн орж ирж, олшрохын эсрэг ажилладаг. Тохируулах үйлдэл нь дааврын хэмжээг хэвийн болгох, зөөх үйлдэл нь эрхтэн, эд эсэд хүчилтөрөгч хүргэх, түргэсгэх үйлдэл нь солилцооны урвал гүйцэтгэх үүрэгтэй.
Түүнээс гадна уураг бол булчин, яс, арьсны гол барилгын материал юм. Элэг, цөсний гэрийн өвчин, ходоод хямрахад хэрэглэхийг зөвлөдөг. Шүд, хумсны хатуулаг чанар, булчингийн ширхэглэг эдийн гол материал нь уураг юм. Уураг нь “энергийн бөмбөг” шиг ажилладаг. Элэг, цөсний гэр, ходоодны өвчний үед хэрэглэнэ. Шингэц сайтай фосфор, кальци шүд, хумсны хатуулаг чанарт тустай. Төмөр арьсны нөхөн төлжилт, шарх, салст бүрхэвчийн эдгэрэлтийг түргэсгэнэ. Токоферол хөгшрөхөөс сэргийлж, цусны судасны ханыг бэхжүүлнэ. Өндөгний цагаанд байдаг аминохүчлүүд тархины ажиллагаа сайжрахад дэм үзүүүлж, эсийг шинэчилж, судас цэвэрлэж, цусан дахь холестеринийг багасгаж, зүрхний ажиллагааг сайжруулдаг. Мөн өндөгний цагаанд байдаг витаминууд бэлгийн даавар ялгаралтыг дэмжиж, цусны бүлэгнэлтийг хэвийн болгож, жирэмсний үед урагт гажиг үүсэхээс сэргийлнэ. Өндөгний цагаан бие организмыг дотроос нь эрүүлжүүлнэ. Нүүрний тослог арьс арчилахад ашиглана. Түүнийг нөсөө үүсэх, нүх сүв томрох, арьснаас хэт ихээр тос ялгарахаас сэргийлэхэд ашиглана. Түүнээс гадна өндөгний цагааныг ашиглаж хийсэн үсний маск үс ургалтыг түргэсгэж, үсний үзүүр салаалах, толгой халзрахаас сэргийлнэ.
Харш нөлөө ба эсрэг заалт:
Хатууртал чанасан өндөгний шар нэлээд харш нөлөөтэй. Өндөгний цагаан хүчтэй харшил үүсгэгч учир шувууны харшилтай хүн түүнийг хэрэглэж болохгүй. Түүхий өндөгний цагаанд байдаг трипсиний эсрэг фермент хоол боловсроход саад болдог учир түүхий өндөг туйлын муу шингэдэг.
Эх сурвалж: “Эрүүл урт наслах алтан судар” ном
