Дуучин, жүжигчин Селена Гомез болон хөгжмийн продюсер Бенни Бланко нар 2025 оны есдүгээр сарын 27-нд Калифорнийн Санта Барбара хотод хуримын ёслолоо хийжээ. Хосуудын хувьд 2023 оны 12-р сард олон нийтэд харилцаагаа ил болгож, 2024 оны 12-р сард сүй тавьсан билээ. Мөн энэ оны гуравдугаар сард хамтарсан “I Said I Love You First… And You Said It Back” цомгоо гаргасан юм.
Тэд ойролцоогоор 170 зочдын өмнө тангараг өргөсөн бөгөөд зочдын дунд Тэйлор Свифт, Пол Радд, Парис Хилтон, Мартин Шорт, Стив Мартин нар багтжээ.
Бенни Бланко хуримын зургуудаа өөрийн инстаграм хаягтаа “Диснейн гүнжтэй бодит амьдрал дээр гэрлэлээ” гэх тайлбартай нийтэлсэн бол Селена Гомез 🤍 9.27.25 🤍 тайлбартайгаар хуваалцжээ.
