Дэлхийн 70 гаруй улсад албан ёсны салбартай, 110 гаруй улсад үйл ажиллагаа явуулдаг олон улсын соёлын солилцооны нэр хүндтэй, олон жилийн түүхт байгууллага болох AFS-ийн Ази Номхон далайн бүсийн дээд хэмжээний уулзалт “AFS Asia-Pacific Initiative (AAI)” Улаанбаатар хотод 2025 оны 09 дүгээр сарын 12-14-ний өдрүүдэд зохион байгуулагджээ.
Энэхүү дээд хэмжээний уулзалтад Ази Номхон далайн бүсийн нийт 11 улс орны AFS-ийн албан ёсны 1200 гаруй төлөөлөгчид, удирдлагууд оролцон, Монгол Улсын боловсролын салбарт гарч буй ахиц, дэвшил, түүнчлэн AFS-ийн салбаруудын хамтын ажиллагааг өргөжүүлэх, олон улсын хамтын ажиллагааны боломжийг танилцуулсан байна.
Өнөөдөр Боловсролын ерөнхий газрын дарга Т.Ням-Очир, Суралцагчийн хөгжлийн газрын дарга Э.Чулуунхишигт нар Олон улсын AFS байгууллагын Нью-Йорк хотод байрладаг төв оффис болох “AFS International”-ийн Ерөнхийлөгч Даниел Обст, Ази Номхон далайн Холбооны дарга Акико Като, Ази Номхон далайн Холбооны нарийн бичгийн дарга Дивия Аурора, Монголын AFS-ийн Гүйцэтгэх захирал Б. Энхжин, ТУЗ-ийн гишүүн Б. Бэлгүн нарыг хүлээн авч уулзлаа.
Уулзалтаар Монгол улсын AFS байгууллагын үйл ажиллагаа болон дэлхийн иргэншил, орчин үеийн технологи, багш, сурагч солилцоо, багш чадавхжуулах сургалтын хөтөлбөрүүдийн талаар мэдээлэл солилцлоо.
