Япон улсаас эхтэй Хайку шүлэг нь тэртээ 16-р зууны үеэс хөгжиж ирсэн бөгөөд өдгөө дэлхийн улс орнуудад тухайн улс үндэстний өөр өөрийн өвөрмөц онцлогийг шингээж, олон өнгө аястайгаар хөгжиж байна. Уг шүлгийн хэлбэрийн онцлог нь 3 мөртэй, 17 үетэй.
***
Хуучин цөөрөм рүү
Хөөрхий мэлхий дэвхрэхэд
Усны чимээ гарав. /Мацуо Башё/
***
Намрын орой даарч суунам.
Магадгүй энэ орой дулаан байсан шиг
Маргаашийн өдөр санагдах ч юун. /Ёса Бусон/
***
Хоёр түнлийн оройд
Хүдэн манан татахад
Модон хөл минь даарав. /Г.Нямдорж/
***
Намрын анхны борооноор
Нарсан ойн сармагчин хүртэл
Цув нөмрөх санаа бий. /Мацуо Башё/
***
Амьдрал гэгч тэмцэл юм
Аальхан болжмор нохойг хуураад
Идүүртэй хоолыг нь тоншиж байна. /Исида Хакё/
***
Сүмийн оройгоос
Тагтаа нисэхүйд…
Дурсамж сэргэнэ /Н. Идо/
***
Гэгээвчээр
Айсан далавчны үнэр шагайна,
Бүрхэг шөнийн салхи. /Г.Аюурзана/
***
Япон хайку маягаар бичсэн дөрвөн улирлын шүлэг
I. Хавар
Хашаа бууцны хөлөөр
Хар турлиах сүрэглэн ирж
II. Зун
Амаа өдөржин ангайж
Атан тэмээд нүцгэн биендээ
Хүйт мөрөөдөн зогсоно
III. Намар
Бургаст голын тохойн
Буруу эргэсэн цөөрөм дээр
Өнчин шар навч эргэлдэнэ
IV. Өвөл
Өвөр нөмөрт бараантах
Өвөлжөө бууцны хөл өөд
Малын жим яарна /Б. Явуухулан/
