Онцгой байдлын ерөнхий газар, МУИС-ийн хамтын ажиллагааны хүрээнд “Дата аналистик-Практик” дадлага сургалтыг энэ сарын 7-8-ны өдрүүдэд тус сургуульд зохион байгуулж байна.
ОБЕГ, НОБГ болон бүсийн төвүүдийн холбогдох 30 орчим мэргэжилтэн хамрагдаж байгаа тус сургалтыг МУИС-ийн Бодлогын судалгааны лаборатори болон “Тинк Про” ХХК-ийн багш нар удирдан явуулж байгаа гэдгээрээ онцлог юм.
Хиймэл оюун ухааны хөгжил, өгөгдөлд суурилсан шинжлэх ухааны үндэслэл бүхий төрийн бодлоготой уялдсан шийдвэр гаргалтыг оновчтой болгох тайлан, дашбоард боловсруулах, их өгөгдөлд дүн шинжилгээ хийх, тоон өгөгдөлд суурилан шийдвэр гаргах, өдөр тутмын ажлын цагийг хэмнэж, төрийн бүтээмжийг нэмэгдүүлэх ач холбогдол бүхий тус сургалт нь олон улсын томоохон аналистуудын дата анализ хийхэд ашигладаг Power BI программыг хэрхэн ашиглах аргазүйг алба хаагчдад олгож байна.
Мэдээлэл, өгөгдөлд суурилсан шийдвэр гаргалт нь төрийн бодлогыг үр днтэй хэрэгжүүлэх, оновчтой шийдвэр гаргах, цаашид хэрэгжүүлэх үйл ажиллагааг төлөвлөн, ажлын үр дүнг нэмэгдүүлэх зэргээр олон талын практик ач холбогдолтой юм
