“Тив Дэлхийн хамгийн том загварын компанийн менежер Монголд буулаа. Монгол байтугай олон улсын загварын салбарын мөрөөдөл энэ компанид тоогдохыг мөрөөддөг билээ. Загварын салбарын Холливүүд л гэсэн үг дээ. Товчхондоо бидний сайн мэдэх Cindy Crawford & Kendall Jenner гэх алдартнуудын менежментийн компани. Үүнээс гадна 5,000 гаруй алдартнууд эгнээнд нь байдаг юм. 1972 онд байгуулагдаж байсан энэ түүхт байгууллага 53 жилийн дараа Монгол улстай хамтран ажиллахаар модeль О.Билгүүний Models Management World-той хоёр жилийн өмнө гэрээ байгуулсан юм. Ингээд Монголыг төлөөлөх шинэ нүүр царайг тодруулахаар Elite Model World-с зохион байгуулдаг 42 жилийн түүхт Elite Model Look тэмцээнээ зохион байгуулахаар Монголд буугаад байна. Дэлхийн 60 гаруй улс бидний өмнө боломж болон нээгдсэн түүхэн цаг хугацаа тохиож байна. Монголын залуусын мөрөөдөлд гэрэл, итгэл нэмэх аян зам минь тууштай үргэлжилнэ” гэж модeль О.Билгүүн өөрийн цахим хуудсандаа мэдээллээ.
Дашрамд #𝐦𝐨𝐧𝐠𝐨𝐥𝐢𝐚𝐟𝐚𝐬𝐡𝐢𝐨𝐧𝐰𝐞𝐞𝐤𝟐𝟎𝟐𝟓 ын хүрээнд олон үйл явдлууд болж байгаа бөгөөд маргааш буюу долоодугаар сарын 8-ны үдэш Монголд анх удаа “Mongolia Fashion Gala Awards” дээд зэрэглэлийн улаан хивсний ёслол Богд хааны ордон музeйд болно.
