УИХ-ын гишүүдийн ашиг сонирхлын зөрчлийг ил тод болгох хуулийн төслийн талаар чөлөөт уулзалт зохион өнгөрсөн бямба гарагт Улаанбаатар хотод боллоо.
Энэхүү уулзалтын зорилго нь хууль бол ирээдүй гэх агуулгыг хөндөж, ирээдүйн төлөө иргэн бүр өөрийн дуу хоолойгоо өргөж, ойлголтоо нэгтгэхийг уриалах байсан юм.
Арга хэмжээнд УИХ-ын гишүүн Х.Баасанжаргал, Зөвийг Шүгэлдэгчид ТББ-ын тэргүүн Г.Эрдэнэзул, гишүүн Б.Тэрбиш, Та Хүч Залуусын нэгдэл ТББ-ын Үүсгэн байгуулагч Б.Өлзийбат нар оролцож энэ онд өргөн барихаар бэлтгэж буй УИХ-ын гишүүдийн ашиг сонирхлын зөрчлийг ил тод болгох тухай хуулийн төсөл хуулийн төслийн үнэ цэн, ач холбогдол, шүгэл үлээхэд тулгарах саад бэрхшээл, нийгмийн мэдрэмж зэрэг сэдвээр чөлөөтэй ярилцаж санал бодлоо хуваалцсан бөгөөд салбарын экспертүүд, сэтгүүлчид, ИНБ-ын төлөөлөл оролцож байр сууриа илэрхийллээ.
Иргэд нийгмийн сайн сайхны төлөө үзэл бодлоо илэрхийлж, жагсан тэмцэж оролцдог хэдий ч талуудын эцсийн очих цэг бол хууль байдаг. Тиймээс эх орны ирээдүй, нийтийн эрх ашгийн төлөөх хуулийн төсөл дээр иргэн бүр нэгдэн оролцож, үзэл бодлоо илэрхийлэн бат зогсох нь ирээдүйгээ хамгаалж буй үйлдэл болно гэдгийг уулзалтад оролцсон залуус онцолж байв.
