Мэргэжилтнүүд өглөөний цайг тэжээллэг бөгөөд амин дэм ихтэй хоол хүнсээр дүүрэн байх ёстой гэж үздэг. Ийм төрлийн өглөөний цай ууснаар та тухайн өдрөө эрч хүчээр дүүрэн өнгөрүүлэхээс гадна эрүүл хүнс нь хялбархан боловсруулагдаж танд хөнгөн мэдрэмжийг өгнө. Тэгвэл зуны улиралд тохиромжтой эрүүл, амттай өглөөний цайны санааг хуваалцъя.
Овьёос
Овьёос нь хүний биед хэрэгтэй эслэг, уураг, өөх тосны хүчил, нүүрс ус, кальци, иод болон А, Е, В витаминуудаар баялаг байдаг. Өглөө овьёос идсэнээр та бүтэн өдрийн турш эрч хүчтэй байна.
Смүүти
Зуны улиралд ихэвчлэн хүнд хоол идмээргүй санагддаг тул өглөө танд смүүти тохиромжтой. Смүүтиг амттай, өтгөн болгохын тулд олон төрлийн жимс болон самар хийж болдгоороо давуу талтай.
Авокадо тост
Авокадоны ашиг тусын талаар хүн бүр сайн мэддэг бөгөөд зарим төрлийн талх ч бас бидний биед сайнаар нөлөөлдөг байна. Тухайлбал, бүхэл үр тарианы гурилаар хийсэн талх нь гэдэсний эрүүл мэндийг дэмждэг хүнсний эслэг ихтэй байдаг юм.
Цагаан будаатай каш
Цагаан будаатай каш идсэний дараа бие хүнд оргихгүй бөгөөд удаан хугацаанд өлсөх мэдрэмж төрүүлэхгүй.
