Японы мэргэжлийн сүмо бөхийн түүхэн дэх хамгийн амжилттай тамирчин, Монгол Улсын Хөдөлмөрийн баатар, гавьяат тамирчин Мөнхбатын Даваажаргал буюу Ёкозүна Хакухо Сүмо бөхийн холбоонд халагдах өргөдлөө өгсөн тухай мэдээлэл өчигдөр буюу тавдугаар сарын 29-нд олон нийтэд ил болжээ.
Түүнийг халагдах өргөдлөө өгсөн шийдвэрт нөлөөлсөн нэг хүчин зүйл нь Исегахама дэвжээг тун удахгүй түүний шавь, одоогийн ёкозүна Тэрүнофүжи удирдаж эхлэхтэй холбоотой байж магадгүй хэмээн Японы сүмо тоймчид үзэж байгаа аж. Хакухо Тэрүнофүжигийн удирдлагад ажиллахыг хүсээгүй хэмээх таамаг ч хөвөрч эхэлжээ. Ямартай ч өргөдлийг Японы Сүмо бөхийн холбооны онцгой хурлаар зургаадугаар сарын 2-нд хэлэлцэнэ гэж албан ёсоор мэдээлжээ.
