УИХ-ын гишүүн, Аж үйлдвэр, Эрдэс баялгийн сайд Ц.Туваан ашигт малтмалын ашигтай олборлолт ба алтны ордыг нэмэгдүүлэх талаар дараах байр суурийг илэрхийллээ.
Олборлосон алтыг зөвхөн Монгол Банк төгрөгөөр тооцож авдаг. Гадагш зарахдаа валютаар зардаг. Тэгэхээр манай улсын валютын нөөцөд гадаад худалдааны тэнцвэрт чухал ач холбогдолтой ашигт малтмал бол алт юм.
Өнгөрсөн онд 18.5 тонн алт олборлож Монгол Банканд тушаасан. Төсөвт 20тонн алтыг төвлөрүүлсэн.
Хэрэв бид “Шороон Орд”-оо ашиглаад олборлолтоо 2 тонноор нэмэгдүүллээ гэхэд ойролцоогоор 1.7 их наяд төгрөгийг төсөвт төвлөрүүлэх боломж бүрдэнэ гэж тооцоолж болно. Тэгэхээр энэ бол маш үр дүнтэй. Хоёрт, үндсэн ордууд маань нийтдээ 100 орчим тонны нөөцтэй үлдсэн байгаа. Үүнд Бороогийн буюу Гацууртын орд мөн түүний хажуугийн орд, Хэнтий аймагт байх Шургадгийн голын орд зэрэг тусгай хамгаалалтад байгаа ордууд бий. Тиймээс бид энэ асуудлыг судалж гаргалгаа хайж байгаа.
Манай улсад мөнгө хэрэгтэй байгаа. Бидэнд алт нь байгаад байхад түүнийгээ ашиглаж орлогоо олох хэрэгтэй. Алтан дээр суусан гуйлгачид байгаад баймааргүй байна.
