Өнөөдөр арванхоёрдугаар сарын 22 буюу Монголчуудын цаг тоо, улирлын чанарын ухаанаар “Есийн тоолол” эхэлж байна. Өнөөдөр нэг ес эхэлж буй бөгөөд эл өдөр хамгийн богино өдөр, урт шөнө болдог. Ийнхүү өнөөдрөөс цааш цааш өдөр уртсаж, шөнө богиносно.
Монголчууд эртнээс өвлийн цаг агаарын төлөв байдлыг есөн есийн 81 хоногоор ангилж ирсэн. Нэг есөөс эхлэн есөн ес хүртэл хүйтний эрч чангарч оргилдоо хүрээд зөөлөрч хавартай золгодог гэж үзэн нүүдэлчин ахуйдаа тохируулан аж төрдөг байжээ.
ЕСӨН ЕС
Нэг есөд яах вэ? XII/22-XII/30
Нэрмэл архи хөлдөнө
Хоёр есөд яах вэ? XII/31-I/8
Хорз архи хөлдөнө
Гурван есөд яах вэ? I/9-I/17
Гунан үхрийн эвэр хуга хөлдөнө
Дөрвөн есөд яах вэ? I/18-I/26
Дөнөн үхрийн эвэр хуга хөлдөнө
Таван есөд яах вэ? I/27-II/4
Тавьсан будаа хөлдөхгүй
Зургаан есөд яах вэ? II/5-II/13
Зурайсан зам гарна
Долоон есөд яах вэ? II/14-II/22
Довын толгой борлоно
Найман есөд яах вэ? II/23-III/2
Нал, шал болно
Есөн есөд яах вэ? III/3-III/12
Ерийн дулаан болно
ГЭРЭЛ ЗУРГИЙГ: https://meanwhileinmongolia.com/mongolia-in-winter/