Зөвийг Шүгэлдэгчид ТББ-аас залуусын дунд ШҮГЭЛ ҮЛЭЭГЧДИЙН ТҮҮХҮҮД чөлөөт арга хэмжээ энэ сарын 24-нд буюу пүрэв гарагт зохион байгуулах гэж байна. Ерөнхийдөө нийгмийн болж бүтэхгүй асуудлуудад ямар нэг хувийн эрх ашиггүйгээр, зоригтой, тууштай бөгөөд ёс зүйтэйгээр дуу хоолойгоо хүргэдэг залуучуудыг оролцуулан, залуучууд зориг гарган нийгмийн шударга байдал, хүний эрх, нийтийн эрх ашгийн төлөө үзэл бодлоо илэрхийлэхэд ямар саад бэрхшээл тулгардаг, түүнийхээ ард гарсны дараа ямар мэдрэмж төрдөг зэрэг өөрсдийн туулж давсан, мэдрэмж түүхээ хуваалцах, ярилцах чөлөөт арга хэмжээ юм.
Эвэнтэд зочин Спекерээр Ковид цар тахалын үед тусгаарлалтын байрны эрсдэл, нөхцөл байдлын тухай шүгэл үлээж байсан иргэн, комедиан Д.Мөнхбат, урлаг нийгмийн салбарт шүгэл үлээгч дуучин С.Гантогоо, Сэтгүүлч Залуу бизнес эрхлэгчдийн төлөөлөл Сэтгүүлч М.Баасандэлгэр нар оролцох юм.
Шүгэл Үлээгчдийн Түүхүүд чөлөөт арга хэмжээ 4-р сарын 24-нд 18:30 цагт Монголын урчуудын эвлэлд болох бөгөөд Монгол эх орон, нийгмийнхээ сайн сайхны төлөө дуугардаг, санаа зовнидог залуу хүн бүрт нээлттэй юм байна.
Дашрамд дурдахад: Зөвийг Шүгэлдэгчид ТББ-нь Ковид цар тахалын үед гадаадад гацаж байгаад эх орондоо ирсэн залуусын нэгдэл бөгөөд Ковид цар тахалын үед гадаадад гацсан Монголчуудын бодит түүхийг харуулсан “ЭХ ОРОНДОО Л ОЧИХСОН…” баримтат киног санаачлан бүтээсэн байгууллага юм.
