Энэхүү тэмцээнийг уламжлал болгон зохион байгуулдаг бөгөөд энэ жил “ONE HEALTH-ONE FAMILY” уриан дор УНТЭ-ийн 100 жилийн ойн хүрээнд зохион байгуулж байна. Эрүүл мэндийн салбарын эмч, мэргэжилтэн, ажилтнууд оюун ухаан, хурд хүч, авхаалж самбаа ур чадвараараа сагсан бөмбөг, волейбол, шатар, ширээний теннис, дартс, е-sport гэсэн зургаан төрөлд өрсөлдөнө. Биеийн тамир, спортоор дамжуулан хамт олны дунд аливаа тэмцээн уралдааныг зохион байгуулах нь сэтгэл, оюун болон бие бялдрыг сэргээх, идэвхтэй хөдөлгөөн, амьдралын зөв дадал хэвшлийг суулгах, хамт олны уур амьсгал, багаар ажиллах чадамжийг нэмэгдүүлэх зэрэг олон давуу талтайг судалгаагаар тогтоосон байдаг. Тэмцээн өнөөдрөөс Буянт-Ухаа спорт цогцолборт эхэлж байна. Тэмцээний хөтөлбөрийг зурган хэлбэрээр байршуулав.
