Гэр бүл, хөдөлмөр, нийгмийн хамгааллын сайд Л.Энх- Амгалан Нийгмийн даатгалын сангийн тулгамдаж буй асуудал 2025 оны төсвийн ерөнхий төлөвийг танилцуулсан. Үүнд Нийгмийн даатгалын санд тулгарч буй асуудлыг хөндсөн юм. Уг асуудалд: “Нийгмийн даатгалын сан өнөөдрийн байдлаар 160 гаруй тэрбум төгрөгийн алдагдалд орох бодит эрсдэл нүүрлээд байна. Капитал банкнаас 68.2 тэрбум төгрөг, Чингис хаан банкнаас 100 орчим тэрбум төгрөг авах авлагын асуудал байгаа. Нийгмийн даатгалын үндэсний зөвлөлөөс гаргаж байсан бүх шийдвэрүүдийг прокурорт шалгуулж, хэн гэдэг хүний үед ямар шийдвэр гарч, тэр шийдвэрээр ямар асуудлууд үүсэв гэдгийг цэгцэлнэ” гэсэн юм.
