Японы алдарт зууш үйлдвэрлэгч Calbee компани Ирантай холбоотой дайны нөлөөгөөр савлагааныхаа өнгийг түр хугацаанд хар, цагаан болгохоор болжээ. Тус компани бэхний найрлагад ашиглагддаг түүхий эдийн нийлүүлэлт доголдсоны улмаас хамгийн алдартай 14 төрлийн бүтээгдэхүүнийхээ савлагааны дизайныг өөрчлөхөөр болсон байна. Үүнд төмсний чипс болон сам хорхойн амттай крекер зэрэг бүтээгдэхүүнүүд багтаж байгаа аж.
Шинэ загварын хар, цагаан савлагаатай бүтээгдэхүүнүүд тавдугаар сарын 25-наас эхлэн Японы дэлгүүрүүдээр худалдаалагдаж эхлэх юм байна.
Энэ нь Иран АНУ болон Израилийн цохилтын хариуд дэлхийн худалдааны чухал гарц болох Хормузын хоолойг бодитоор хаасны дараа өдөр тутмын хэрэглээний бараанд хүртэл нөлөөлж эхэлсний сүүлийн жишээ болж байна.
Calbee компани мэдэгдэлдээ “Ойрх Дорнод дахь хурцадмал нөхцөл байдлын улмаас түүхий эдийн нийлүүлэлт тогтворгүй болсон тул энэхүү арга хэмжээг авч байна” хэмээн дурдсан байна.
ЭХ СУРВАЛЖ: BBC
