Монгол Ардын Намын Ерөнхий Нарийн Бичгийн дарга Я.Содбаатараар ахлуулсан ажлын хэсэг Хангайн бүсийн уулзалтуудаа Баянхонгор аймгаас эхэллээ. Энэ үеэр аймгийн намын хорооны сонгуульт ажилтнууд болон Аймаг, сумын Иргэдийн Төлөөлөгчдийн Хуралд нэр дэвшиж байгаа нэр дэвшигчидтэй уулзалт хийж, орон нутгийн сонгуулийн бэлтгэл ажил хангах талаар мэдээлэл, сургалт, чиглэл өглөө.
Монгол Ардын Намын Ерөнхий Нарийн Бичгийн дарга Я.Содбаатар 2024 оны УИХ-ын сонгуулийн үр дүн, улс орны өнөөгийн нөхцөл байдал, эдийн засаг, хамтарсан Засгийн газар байгуулагдсан үндсэн шалтгаан зэрэг сэдвээр үндсэн мэдээлэл, илтгэл танилцууллаа.
Уулзалтад Хангайн бүсээс сонгогдсон УИХ-ын гишүүн Г.Тэмүүлэн болон УИХ-ын гишүүн М.Энхцэцэг, Д.Бум-Очир, Х.Баасанжаргал, Ерөнхийлөгчийн Тамгын газрын дарга Г.Занданшатар, Ерөнхийлөгчийн зөвлөх Г.Ганболд нар оролцов. Мөн СДМЭХ-ны Бодлогын зөвлөл, Удирдах зөвлөлийн гишүүд, СДМЗХ-ны Удирдах зөвлөлийн гишүүд оролцсон юм.
Эх сурвалж – Монгол Ардын нам
