УИХ-ын чуулганы үеэр УИХ-ын гишүүн Х.Баасанжаргал дараах байр суурийг илэрхийллээ.
Залуучууд үзэл бодолтой байна. Түүнийгээ илэрхийлж байна. Намын гишүүд үзэл бодолтой байна. Түүнийгээ илэрхийлж байна. Гэтэл бидэнд үүнийг ойлгох ухаан байхгүй. Заавал нэг мөнгө санхүү, эдийн засагтай холбодог л болчихоод байна л даа. Энэ нь өөрөө бидний итгэл найдварыг бөхөөх сөрөг нөлөөтэй гэж харж байна. Тухайлбал, Ч.Лодойсамбуу гишүүн УИХ-ын гишүүдийг кнопоо худалддаг гээд л мэдэгдэл хийчихлээ. М.Нарантуяа-Нара гишүүн гадаа жагсаал хийж байгаа залуусыг 50 сая төгрөгөөр багцлагддаг гээд л хэлчихлээ. Энэ үгээ нотолж чадахгүй бол уучлалт гуйх ёстой гэж бодож байна. Гадаа жагсаал хийж байгаа залуучуудад би итгэж байна. Тэнд өөрийнхөө хүсэл зорилгоор, оргиникаар очиж байгаа маш олон хүн бий. Тэнд миний 22 настай охин ч гэсэн байгаа. Тэгэхээр үүнийг бид ямар нэгэн шүүлтүүр тавьж бодож болохгүй байх аа. Цаашид парламент, Засгийн газар ил тод байдал дээрээ анхаарах ёстой том дохио боллоо гэж би үзэж байна.
