“Хүний нөөцийг хөгжүүлэх JDS тэтгэлэгт хөтөлбөр”-ийн 2024 оны бүртгэл эхэллээ. Энэ жил магистрын түвшинд 15 оюутан, докторын түвшинд нэг оюутныг сонгон шалгаруулж, Япон Улсын их сургуулиудад тус тусын мэргэжлээр англи хэл дээр суралцуулна.
Хүсэлт хүлээн авах эцсийн хугацаа:
- Магистр: 2024 оны аравдугаар сарын 25 (Баасан) хүртэл
- Доктор: 2024 оны арванхоёрдугаар сарын 6 (Баасан) хүртэл
“Хүний нөөцийг хөгжүүлэх JDS тэтгэлэгт хөтөлбөр” нь хөгжиж буй орнуудын залуу төрийн албан хаагчдыг Япон Улсын их, дээд сургуулийн ахисан түвшний хөтөлбөрт хамруулах замаар мэргэшүүлэн бэлтгэж, төгсөөд өөрийн улсад тулгарч буй нийгэм, эдийн засгийн асуудлыг бодитойгоор шийдвэрлэхэд хувь нэмэр оруулах, хоёр улсын түншлэлийг улам бэхжүүлэх зорилготой. Уг хөтөлбөр 1999 онд хэрэгжиж эхэлснээс хойш 19 улсын 5000 гаруй хүн Япон Улсад суралцсан байна. Харин Монгол Улсад 2001 онд хэрэгжиж эхэлсэн ба нийт 420 иргэнийг магистр, 12 иргэнийг докторын түвшний хөтөлбөрт хамруулсан. Одоогийн байдлаар тэднээс 380 нь сургуулиа амжилттай төгсөж, төв захиргааны байгууллага, Төв банк зэрэг нийгмийн олон салбарт үр бүтээлтэй ажиллаж байна.
Дараах хуваарийн дагуу нээлттэй танилцуулга семинар зохион байгуулах тул оролцохыг хүсвэл вэб хуудас дахь холбоосоор урьдчилан бүртгүүлнэ үү. Мөн хүсэлт гаргасан байгууллагуудад очиж танилцуулга семинар зохион байгуулах боломжтой.
Цахимаар :
- Есдүгээр сарын 18 (Лхагва) 14:00-15:30
- Есдүгээр сарын 23 (Даваа) 19:00-20:00 (Төгсөгч: Судалгааны төлөвлөгөө бичих арга зүй)
- Есдүгээр сарын 5 (Бямба) 11:00-12:30
Танхимаар :
- Есдүгээр сарын 23 (Даваа) 17:30-19:00
- Есдүгээр сарын 23 (Даваа) 19:00-20:00 (Төгсөгч: Судалгааны төлөвлөгөө бичих арга зүй)
- Есдүгээр сарын 28 (Бямба) 11:00-12:30
Хаяг:
JICE JDS төслийн Монгол дахь оффис
Сүхбаатар дүүрэг, Их сургуулийн гудамж, 6-р хороо, Монгол-Япон төвийн байр, 201 тоот
Ажлын цаг: 09:00-12:30 / 14:00-17:30, Даваа-Баасан
Холбоо барих:
Утас：9549-5902, 9978-5902
Цахим шуудан: [email protected]
Вэбсайт: JDS – Japanese Grant Aid for Human Resource Development Scholarship | JDS (jds-scholarship.org)
Facebook: JDS Mongolia
