Бээжин хотын ЛГБТ төв 2023 оны тавдугаар сарын 15-ны өдөр хаалгаа барьжээ. Тус төв нь Хятад дахь ЛГБТ хүмүүсийн амьдрах орчныг сайжруулах зорилготой ашгийн бус байгууллага байсан аж.
Тус төв 2008 онд байгуулагдсан бөгөөд 2023 онд хаагдах хүртлээ хямд үнээр сэтгэцийн эрүүл мэндийн зөвлөгөө өгөх, ЛГБТQ-д ээлтэй эрүүл мэндийн тусламж үйлчилгээ, үзүүлэгчдийн лавлах, трансжендэр хүмүүст зориулсан хямралын үед туслах утас, хууль зүй, өмгөөллийн үйлчилгээ зэрэг олон олон нийгмийн үйлчилгээг өгдөг байжээ.
Мөн тэд Хятад улсын ЛГБТQ хүмүүсийн эрсэг хийж буй шудрага бус үйлдлийг дэлхийн сонорт хүргэж, дэлхийн хүний эрхийг дэмжигч байгууллагуудын тусламжтай олон ч үйлдлийг хуулийн хүрээнд таслан зогсоож LGBTQ хүмүүсийн эрхийг хамгаалж байжээ.
Тус төвийн албан ёсны Вэчат сүлжээнд нийтлэгдсэн мэдэгдэлд “Биднээс үл хамаарах давагдашгүй хүчний улмаас ЛГБТ төв өнөөдөр үйл ажиллагаагаа зогсоож байгаад бид маш их харамсаж байна” хэмээжээ.
Тус байгууллагын сайн дурын ажилтан асан Bloomberg News-т өгсөн яриандаа, хаагдсан нь удаан хугацааны дарамт шахалтын үр дүнд болсон гэжээ. Гэвч хаанаас ямар дарамт шахалт ирдэг байсныг нарийн тодорхой хэлээгүй байна.
2021 оны долоодугаар сард Вэчат сүлжээн дээр их сургуулийн оюутнууд болон ашгийн бус бүлгүүдийн удирддаг LGBTQ+ үйл ажиллагааг дэмжин ажилладаг болон энэ чиглэлийн үйл ажиллагаа явуулдаг олон арван бүртгэлийг хааж, үүнээс жилийн дараа бүх хаягуудыг устгаж байжээ. Үүний хариуд зарим бүлгүүд нэрээ өөрчилсөн бөгөөд “гей” эсвэл “бэлгийн цөөнх” гэх мэт үгсийг хасан үргэлжлүүлэх гэсэн боловч үр дүнгүй байжээ.
Мөн нэрээ нууцалсан ЛГБТQ эрхийг төлөө ажилладаг хүмүүсийн хэлснээр “Бид цахим хэлбэрт орон ажиллах болжээ. Гэхдээ маш харамсалтай байна” гэсэн байна.
