Диана гүнжийн 1987 онд өмсөж байсан домогт Каннын төрх 40 жилийн дараа дахин улаан хивсэн дээр амиллаа. Франц-Оросын жүжигчин Anastasia Andrushkevich энэ жилийн Cannes Film Festival-ийн “Fjord” киноны нээлтэд оролцохдоо Диана гүнжийн 1987 онд мөн энэ наадамд өмсөж байсан даашинзтай төстэй мөсөн цэнхэр өнгийн даашинзаар гоёсон нь олны анхаарлыг татав.
1987 онд Каннын кино наадамд оролцож байсан Диана гүнж тухайн үедээ зөвхөн хааны гэр бүлийн гишүүн бус, дэлхийн fashion icon болж эхэлж байсан үе гэхэд хилсдэхгүй. Түүний pastel өнгөний сонголт, минимал атлаа хүчтэй силуэт, өөртөө итгэлтэй төрх нь royal fashion-ийн ойлголтыг хүртэл өөрчилсөн гэж загварын шүүмжлэгчид өнөөдөр ч дүгнэдэг.
Тухайн үеийн Каннын улаан хивсэн дээр Холливудын оддоос дутахгүй анхаарал татсан Диана гүнжийн мөсөн цэнхэр даашинз удалгүй түүний хамгийн iconic төрхүүдийн нэг болсон юм. Ялангуяа энгийн хэр нь дэгжин эсгүүр нь 1980-аад оны royal glamour-ийг тодорхойлсон төрхүүдийн нэгт тооцогддог.
Сүүлийн жилүүдэд TikTok, Instagram зэрэг платформ дээр “old money aesthetic”, “quiet luxury” хэв маяг эргэн хүчтэй тренд болж буй энэ үед Диана гүнжийн төрхүүд олны анхааралд хэвээр байгаа бөгөөд загварын шинэ үеийнхэн түүний wardrobe-оос санаа авсаар байна.
Цахим орчинд энэ удаагийн Каннын төрхийг “Дианагийн энерги эргэн ирсэн мэт байлаа”, “timeless elegance”, “жинхэнэ old money aesthetic” хэмээн онцолж байна.
