Монгол Улс Дэлхийн адууны өдрийг 2026 оны долоодугаар сарын 11-13-ны өдрүүдэд анх удаа өргөн хүрээнд тэмдэглэхээр бэлтгэж байна. Адууны соёл, өв уламжлал, нүүдлийн иргэншлийн үнэт өвийг олон улсад сурталчлан таниулах энэхүү арга хэмжээнд дэлхийн 56 орны зочид, төлөөлөгчид оролцохоор төлөвлөжээ.
Арга хэмжээний хүрээнд ёслол хүндэтгэл, эрдэм шинжилгээний хурал, соёл урлаг, спортын олон төрлийн үйл ажиллагаа зохион байгуулагдахаас гадна 10 мянган морьтны сүрт жагсаал болох юм.
Мөн энэхүү онцгой үйл явдалд дэлхий даяар үзэгчдийн хүртээл болсон “Physical Asia” шоуны оролцогчид хүрэлцэн ирэхээр болжээ. Тодруулбал, Япон, БНСУ, Филиппин, Австралийн шилдэг оролцогчид Дэлхийн адууны өдрийн хүрээнд зохион байгуулах 10 мянган морьтны жагсаалд оролцохоо мэдэгдэж, урилгаа хүлээн аваад байна.
Тус шоу нэвтрүүлэг цацагдсанаас хойш дээрх дөрвөн орноос 10 гаруй зочин Монгол Улсад ирж, монголчуудын ахуй соёл, ёс заншил, өв уламжлалтай танилцан тусгай нэвтрүүлэг бэлтгэн эх орондоо хүргэсэн билээ.
