Дотоодын болон олон улсын К-поп шүтэн бишрэгчидийн бүх анхаарал The Black Label-ийн үүсгэн байгуулсан анхны охидын хамтлаг болох MEOVV-д байна.
Тус хамтлаг энэ сард дэбют хийхээр төлөвлөж буйгаа албан ёсоор зарласан. MEOVV бол YG Entertainment-аас гарсны дараа продюсер Теддигийн танилцуулсан анхны охидын хамтлаг.
Тедди нь YG энтертайнментийн продюсер, захирал байсан бөгөөд 2NE1, BLACKPINK гэх мэт алдартай К-поп охидын хамтлагуудыг бүтээсэн түүхэн хүн юм.
Өнгөрсөн жил Элла Гросс, алдарт бүжигчин Бэйли Сок, Шинсэгэй ерөнхийлөгчийн охин Чун Ёо Кён зэрэг олны танил эрхмүүд дебютийн бүрэлдэхүүнд багтсан гэсэн цуу яриа шуугиан дэгдэж хэл ам дагуулсан.
MEOVV ирэх сард дебют хийхээ баталгаажуулж, гишүүдээ илчилж эхэлснээр сонирхол улам бүр нэмэгдэв. The Black Label нь удаан хүлээсэн дебют гишүүн Элла-г анх танилцуулж, олны анхаарлыг шууд татсан.
Хүүхдийн жүжигчин, загвар өмсөгчөөр ажлын гараагаа эхэлсэн Элла нь BLACKPINK-ийн Женнитэй тун төстэй байдгаараа “Бяцхан Женни” хэмээн нэрлэгдэж, олон нийтийн сүлжээнд асар их нэр хүндтэй болсон.
MEOVV албан ёсны дебют хийхээс өмнө ч түүний хувийн Instagram 4.18 сая дагагчтай байсан ба тэрбээр BLACKPINK хамтлагийн гишүүдтэй ойр дотно найзладаг гэх нь ч бий.
2019 онд Жисү, Рөүз нарын шууд нэвтрүүлэгт оролцож шүтэн бишрэгчдээ гайхшруулж байсан бөгөөд BLACKPINK-ийн гишүүдтэй олон удаа уулзаж байгаа харагдсан.
Саяхан Жисү Эллагийн дебютийг дэмжиж, түүний инстаграмд “Баяр хүргэе, Элла” гэж бичснээр дэлхийн шүтэн бишрэгчдийн сэтгэлийг хөдөлгөж, MEOVV-ийн нэр хүндийг улам нэмэгдүүлсэн.
Эллагийн араас бусад гишүүд болох Гавон, Сүин, Анна, Нарин нар ч мөн өөрсдийн өвөрмөц аура, бие даасан байдлаараа хүмүүсийн сонирхлыг татаж байгаа.
Ширүүн өрсөлдөөнтэй К-поп зах зээлд хамтлагийнхаа амжилтыг хүлээн зөвшөөрөхүүлэх, шуугиан дэгдээх нь маш чухал бөгөөд MEOVV-г тойрсон дебютийн өмнөх хүлээлт аль хэдийн ирээдүйн амжилтыг нь өнгөлж байна.
The Black Label нь тренд хөгжим, контентоор К-поп ертөнцөд шинэ давалгааг манлайлахаар төлөвлөж MEOVV хамтлагийн үзэл баримтлалыг бататгаж, таван муурыг сэдэв болгон авч, өөрсдийн мөн чанарыг аль хэдийн бий болгосон гэж мэдээлэв. Теддигийн хөгжмийн чиглэл, өмнөх охидын хамтлагуудын (2NE1 болон BLACKPINK) өвөрмөц үзэл баримтлалыг харгалзан үзвэл MEOVV нь К-поп зах зээлийг донсолгох хип, эрчимтэй үзэл баримтлалтай дебют хийх төлөвтэй байна.
Хөгжмийн салбар MEOVV нь K-pop охидын хамтлагуудын дүр төрхийг өөрчлөх эсэхийг анхааралтай ажиглаж байна. Хялбар сонсох хөгжмийн алдар нэр нь дотоодын зах зээлд аажмаар буурч байгаа тул MEOVV-ийн загварлаг охидыг няцлах үзэл баримтлал нь чиг хандлагыг өөрчилж, тэсрэлттэй өсөлтөд хүргэнэ гэж салбарынхан таамаглаж байна.
MEOVV хүлээлтийг биелүүлж, К-поп тайзыг шинэчлэн тодорхойлсон “мангас шинэ залуу” болох уу?
KOREATIMES
