Нийслэлийн Засаг дарга Х.Нямбаатар “Би хэдэн халтар төгрөг цуглуулсан хэдэн ченжүүдээс айхгүй” гэж НИТХ-ын ээлжит бус нэгдүгээр хуралдааны үеэр мэдэгдсэн. Энэ үгэнд “Авто худалдаа, машины бизнес эрхлэгчдийн холбоо” ТББ-аас гомдол гаргаж, уг хэрэг шүүх дээр яваа. Улмаар Х.Нямбаатарын эд хөрөнгө буюу мөнгийг нэхэмжлэлийн үнийн дүн болох 1 тэрбум төгрөгийн хэмжээгээр битүүмжлэх арга хэмжээ авах шүүгчийн захирамж гарсан. Энэ талаар Нийслэлийн Засаг дарга Х.Нямбаатар өчигдөр “Надад 1 тэрбум төгрөг байхгүй. 1 тэрбумын эд хөрөнгө ч байхгүй. Хэн нэгнээс уучлалт гуйх шаардлагагүй” гэх мэдээллийг өгсөн юм. Автомашины улсын дугаартай холбоотой асуудал үргэлжилж, иргэд бухимдалтай байгаа эдгээр өдрүүдэд хотын дарга арьсаа хамгаалав уу эсвэл 2023 оноос хойш тэрбум давсан хөрөнгөө зарж үрэгдүүлсэн үү бүү мэд. Ямартай ч 2023 оны АТГ-т өгсөн хөрөнгө орлогын мэдүүлгээс харахад тэрбээр 1 тэрбум давсан хөрөнгөтэй болох нь харагдаж байна. Ийнхүү Нийслэлийн Засаг дарга Х.Нямбаатарын АТГ-т мэдүүлсэн 2023 оны Хөрөнгө орлогын мэдүүлгийг танилцуулъя.
- Өөрийн орлого – 54.6сая
- Гэр бүлийн орлого – 28.0 сая
- Нийтийн орон сууц 1, зуслангийн байшин 1, авто зогсоол 1 – 1 тэрбум 43 сая
- Суудлын жижиг машин 1, Жийп болон туулах чадвар өндөр, Toyota, Land Cruiser 200 машин 1 – 292.0 сая
- Зээл – 72.6 сая
- Үнэт эдлэл – 25.0 сая
- Мал – 217 сая
- Газар – 100 сая
