Сэргэн мандалтын үеийн Италийн их мастер Тицианы хоёр удаа хулгайд алдагдсан уран зураг Лондон хотын автобусны буудал дээр орхигдсон гялгар уутнаас олдсон бөгөөд энэ оны долдугаар сарын дуудлага худалдаагаар 32 сая ам.доллараар үнэлэгдэх төлөвтэй байна.
Уран зураг нь Есүс Христ, Гэгээн Мари болон Жосефийг Херод нялх Христийг хороохоор завдаж буйг олж мэдсэнийхээ дараа Египт хүрэх замдаа амарч буйг дүрсэлжээ.
Жинхэнэ нэр нь Тициано Вечелио хэдий ч Тициан гэх урлагийн нэрээрээ алдаршсан зураач уг бүтээлийг 16-р зууны эхний арван жилд буюу уран бүтээлиийнхээ эхэн үед урлажээ.
Ердөө 46.2 сантиметрийг харьцах 62.9 сантиметрийн хэмжээтэй уг зураг нь Тицианы хожим алдаршсан томоохон бүтээлүүдтэй харьцуулахад өчүүхэн юм. Зотон дээр тосон будгаар урласан бүтээл нь гайхалтай түүхтэй.
Европын олон язгууртнуудын гарт дамжигдаж ирсэн уг зургийг 1809 онд Вена хотыг Франц эзлэн авах үеэр Наполеоны цэргүүд дээрэмдэж, Парис руу аваачжээ. Зураг нь дахин 1815 онд Вена руу буцаж ирсэн бөгөөд Англиийн Вилтшир дэх IV Маркес Жон Александр Тинттай өөртөө худалдан авахаас өмнө нэлээдгүй олон хувийн цуглуулгуудаар дамжжээ.
1995 онд Тиннийн үе дамжин амьдарсан гэр болох Лонглит цайзаас хулгайлагдаж, долоон жилийн турш алга болсон ба Лондонгийн автобусны буудлаас урлагийн мөрдөн байцаагч Чарльз Хилл олсон байна.
Уг зургийг долоодугаар сарын 2-нд Christie’s дуудлага худалдааны нэг уран бүтээл болгон сонирхогчдод санал болгох юм.
Эх сурвалж – https://edition.cnn.com/2024/06/13/style/titian-painting-auction-scli-intl-gbr/index.html
Бэлтгэсэн дадлагажигч оюутан Э.Номин
