АНУ-ын сонгуулийн ерөнхий хорооны ахлах менежер Кевин Мак энэ жилийн ерөнхийлөгчийн сонгуульд залуучуудын ирцийг бүрэн байлгахаар ажиллаж байна.
Тэрбээр хоёрдугаар сард болсон ээлжит бус сонгуулийн үеэр “Бямба гарагийн тоглолт”-ыг зохион байгуулж, хоолны буфет, шар айргийн машин болон хамтлагийн тоглолтыг залуучуудад зориулан бэлдсэн юм.
Мөн тэр саяхан Филадельфиа мужийн олон нийтийн төвөөр зочилж, уран бүтээлчдэд зориулсан яриа өгч, залуучуудад хүрээллээ тэлэх боломжийг олгосноор зогсохгүй өөрийн сонгогчийн бүртгэлээ шалгасан хүмүүст нэг сарын түрээсийн урамшуулал олгох сугалааг зохион байгуулжээ. Энэ наймдугаар сард Филадельфи хотод Олимпийн тосгон байгуулахаар төлөвлөж байгаа бөгөөд Парис явах тамирчдын баярыг тэмдэглэж үнэгүй шар айраг болоод сонгуулиа өгөх гарын авлагыг тараажээ.
Финикс хотод бямба гаригт “Үр хөндөлтийн төлөө санал өг” бичигтэй хэд хэдэн автобус хотыг тойрон явж, яаралтай жирэмслэлтээс хамгаалах эм, эмэгтэйчүүдийн эрүүл ахуйн бүтээгдэхүүнийг үнэ төлбөргүй тарааж, Лорен Жаурэгийн үд дундын концертод DJ болон орон нутгийн нөлөө бүхий хүмүүс, жүжигчин Busy Philipps нарыг оролцуулав.
Мак уг хүчин зүтгэлээ “Байдаг л нэг уриалга хийхийн оронд бодит амьдрал дээр залуучуудтай харилцаж, тэдний сонирхлын үйл ажиллагааг зохион байгуулах хүрээнд ажиллаж байгаа болохоор үр дүнтэй байна гэж найдаж байна” хэмээн илэрхийлсэн юм.
Эх сурвалж – https://archive.ph/Rxdab
Бэлтгэсэн дадлагажигч оюутан Э.Номин
