Элон Маск Хятадын технологийн Baidu компанитай хамтран ажиллахаар болсон тухай мэдээ Tesla-гийн хувьцааг өсгөлөө. Энэ нь 2022 оны гуравдугаар сараас хойших долоо хоног тутмын хамгийн өндөр ашиг болсон байна.
Тодруулбал, дөрөвдүгээр сарын 29-нд тус компанийн хувьцааны үнэ 17.7 хувиар өсөхөд Маскийн хөрөнгийн хэмжээ 18.5 тэрбумаар нэмэгдэн 201.5 тэрбум доллартай дүйх болжээ. Bloomberg-ын тэрбумтнуудын чансаагаар, Элон Маск дэлхийн гурван тэргүүн баяны тоонд багтан 202 тэрбумын хөрөнгөтэй болсон байна. Жагсаалтын эхэнд Жефф Безос, Бернар Арно нар бичигдэж буй.
