Сошиал орчинд тролл гэх үгийг идэвхтэй ашиглаж, энэ үгийг мэдэхгүй хүн бараг л үлдээгүй гэхэд болно. Тролл гэх үгийн талаар хүн бүрд өөр ойлголт, өөр төсөөлөл бий. Ихэнх тохиолдолд нэр хаяг нь гадаад, гадаад хүний зурагтай, идэвхгүй шахуу хаяг байдаг гэсэн ерөнхий ойлголт байдаг. Тийм байсан ч үе бий. Нэг хэсэг Вьетнам нэр, зурагтай фэйсбүүк хаягууд олноороо гарч ирсэн нь троллуудыг гадны серверээс худалдаж авдаг, гадаад аккаунтууд тролл гэх ойлголт үүссэн. Үүнийг ч монголчууд сайн мэддэг болсон. Тиймээс хэдэн зуун шэйр, хэдэн мянган сэтгэгдлээс аль нь тролл вэ гэдгийг таньж мэдээд нөлөөнд нь автахаа байсан.
- 2024 онд дэлхийн олон оронд сонгуулийн жил таарч байна. Үүнээс улбаатай сошиал орчинд тролл арми улам бүр хөгжиж, өдрөөс өдөрт жинхэнэ хэрэглэгчид дундаас ялгагдахаа байсан.
Троллыг хэрхэн таних вэ?
Нэгдүгээрт: Та тролл хаяг уу, жинхэнэ хаяг уу гэдгийг хараад шууд таньж, ялгах боломжгүй. Учир нь тролл хаяг нь жинхэнэ нэр хаягтай, олон жил идэвхтэй хөтөлсөн, бодит хүний хаяг болсон. Гэхдээ тухайн хаяг нь өөр хүний зураг байршуулсан, өөр нэртэй байх нь бий. Үүнийг гэхдээ та бид мэдэхгүй учир ялгаж, мэдэхгүй.
Хоёрдугаарт: Сошиал хаягтаа байршуулсан зурагны хандалт, сэтгэгдэл нь бодитой байна. Тролл хаягууд нэгнийхээ хаягийг бодит мэт харагдуулах гэж хандалтыг нь өсгөдөг. Тиймээс яг л бодит хүний, жинхэнэ хаяг шиг л харагдана. Энэ мэт ялгаагүй байдлаас болж бид өөрийн үзэл бодлын эсрэг сэтгэгдлээ илэрхийлсэн хүмүүсийг тролл гэж цоллох нь олонтаа харагддаг. Ингэхээр троллыг ялгах боломжгүй мэт санагдаж байгаа биз. Гэхдээ таних боломжтой аргууд бий.
Троллыг жинхэнэ хэрэглэгчээс таних арга:
Хамгийн эхэнд троллууд орж ирсэн пост, нийтлэлийн хандалт өндөр байна. Мөн таалагдсан реакшнаас илүү сэтгэгдэл, хуваалцсан байдал илүү байх нь ажиглагдана.
Мөн нэгдсэн ерөнхий утга бүхий сэтгэгдэлүүд маш олноор ойрхон давтамжтай бичигдсэн байна. Нэг утгыг олон талаас нь бичсэн байх ба хуваалцахдаа ч мөн адил төстэй утгаар хуваалцсан нь анхаарал татахуйц шууд харагдана.
Сүүлд нь энэ төрлийн ажлыг хийдэг хүмүүс нь ихэвчлэн оюутан залуус байдаг. Учир нь тэд сошиал орчинд ажиллах чадвар, ойлголт нь бүүмэр үеийг бодвол хамаагүй өндөр байдаг нь тэднийг ажиллуулах сонирхол өндөр байдаг аж.
