Энэ жил 55 жилийн ойтойгоо золгон байгаа Баянмонгол чуулгынхан 2024 оны анхны тоглолтоо тэдний хэдийн танил болсон “Movie Swing” тоглолтоо 2024 оны нэгдүгээр сарын 13-ны 18:00 цагаас Улсын Филармонийн концертын танхимд толилуулах гэж байна.
Энэ удаагийн 2024 оны Movie Swing тоглолтод бидний зүрх сэтгэлд хоногшсон, кино урлагийн сор болсон дуу, хөгжмүүдийг Улсын Филармонийн гоцлол дуучдаас гадна, шинэ залуу үеийн дуучид болох Б.Одмандах, Ү.Уртнасан, Б.Номин зэрэг чадварлаг залуус хамтран тайзнаа амилуулах аж.
