Цахиурын эринд бүхий л салбар, шинжлэх ухаанд мэдээлэл технологийн суурьтай мэргэжилтнүүдийн эрэлт өсч байна. Монгол улс дижитал шилжилт бүрэн хийж дуусгахад 30,000 орчим IT-ийн инженер шаардлагатай гэж үздэг. Иймээс MLC Business School нь Болгарын SoftUni Global-тай хамтран 20,000 IT инженер бэлтгэх “20K Программист” хөтөлбөр санаачлан зохион байгуулж байгаа билээ.
Тус төслийн хүрээнд мэдээлэл технологийн багш, сурагчдын программын онцгой ур чадварыг сорих, орчин үеийн программчлалын хэлүүдийг суралцахад нь туслах зорилттойгоор 20К цуврал олимпиад зохион байгуулах гэж байна.
Хүний нөөцийн үйл ажиллагаа эрхэлдэг Glassdoor компаниас 2023 оны эрэлттэй 10 мэргэжлийн жагсаалтын дийлэнх нь IT суурьтай мэргэжил байсан ба тэр дундаас Java программчлалын хэлтэй хөгжүүлэгч 9 дүгээр байранд жагсжээ.
Тиймээс Монгол улсад хамгийн анх удаа Java программчлалын хэлээр ерөнхий боловсролын сургуулийн багш сурагч нарын дунд олимпиад зохион байгуулах гэж байна. Олимпиад нь улирал бүр мэдээлэл зүйн багш нар болон сурагчид гэсэн ангилалаар зохион байгуулагдах бөгөөд. Java, Javascript, Python, C++ хэлнүүд дээр ээлжлэн явагдана.
Олимпиадын зохион байгуулалтын хувьд SoftUni Global-ийн Judge хэмээх автомат шалгалтын системээр даалгавар дасгал ажлыг шалган хугацаа алдалгүй шууд хариуг нь гаргах давуу талтай. Бүртгэлд одоогоор 100 гаран сурагч, 50 гаран багш нар хамрагдсан бөгөөд бүртгэлийн хугацаа хаагдахад цөөн хоног үлдлээ.
Багш нарын ангиллын бүртгэлийн линк: https://forms.gle/j5JvZYkxPJVap5Ar8
Сурагч нарын ангиллын бүртгэлийн линк: https://forms.gle/k61oUfs2PAn87ZsLA
Дэлхийд хүлээн зөвшөөрөгдөх IT мэргэжилтнүүдийг бэлтгэх үйлст багш, сурагч нарыг идэвхитэй оролцож мэдлэг, ур чадварыг сорих урилгыг ийн хүргэж байна. https://www.facebook.com/MLCbusinessSchool
