Цаг уурын байгууллагаас ирсэн мэдээллээр бэлчээрийн ургамал дөрөвдүгээр сарын 10-ны байдлаар нийт нутгийн 80 орчим хувьд цухуйгаагүй байна. Тухайлбал, Орхоны нийт, Ховд, Архангай, Булган, Төв, Өмнөговь, Сүхбаатар аймгийн зарим сумын нутгаар муу үнэлгээтэй буюу ургамал цухуйсан боловч мал бэлчээх боломжгүй байгаа аж. Харин Булган, Сэлэнгэ, Хөвсгөл, Төв, Өмнөговь аймгийн зарим нутгаар дунд зэрэг, Булганы Гурванбулаг, Дархан, Хонгор, Орхон, Шарын гол, Дорнодын Баянтүмэн, Булган, Хэрлэн, Хөлөнбуйрт бэлчээрийн ургамлын гаралт хэвийн байгаа талаар мэдээллээ.
